Committee Meeting - People's Majlis of Maldives

ޚުލާސާ

މިއަދުގެ ބައްދަލުވުމުގެ އެޖެންޑާކުރެވިފައިވަނީ، ކޮމިޓީގައި ހުރި މައްސަލަތަކާ ގުޅޭގޮތުން މަޝްވަރާކުރުމެވެ. އެގޮތުން، އިންޓަރ-ޕާލިމަންޓަރީ ޔޫނިޔަން (އައި.ޕީ.ޔޫ) އިން އިސްތަންބުލްގައި ބޭއްވި އެ ޖަމްޢިއްޔާގެ 152 ވަނަ އެސެމްބްލީގައި ފާސްކޮށްފައިވާ ނަރޗަރިންގ ހޯޕް، ސެކިޔުރިންގ ޕީސް އެންޑް އެންޝުއަރިންގ ޖަސްޓިސް ފޮރ ފިއުޗަރ ޖެނެރޭޝަންސް ޤަރާރާ ގުޅިގެން، ކޮމިޓީގެ މަސައްކަތުގެ ދާއިރާގެ ތެރެއިން ކޮށްފައިވާ ނުވަތަ ކުރުމަށް ރާވާފައިވާ މަސައްކަތްތަކާ ގުޅޭ މަޢުލޫމާތު އައި.ޕީ.ޔޫއަށް ހިއްސާކުރުމަށްޓަކައި އިދާރީގޮތުން ތައްޔާރުކޮށްފައިވާ ސިޓީގެ ޑްރާފްޓާގުޅޭ ގޮތުން ކޮމިޓީގެ މެންބަރުން މަޝްވަރާކުރައްވާފައިވެއެވެ.

އެއަށްފަހު، ކޮމިޓީގެ މަސައްކަތުގެ ދާއިރާގެ ތެރޭގައި ހިމެނޭ މިނިވަން މުއައްސަސާތަކުގެ 2025 ވަނަ އަހަރުގެ އަހަރީ ރިޕޯޓު ދިރާސާކުރުމުގެ މަސައްކަތް ކުރިއަށް ގެންދަވާނެ ގޮތަކާ ގުޅޭގޮތުން މަޝްވަރާކުރައްވާފައިވެއެވެ. އެގޮތުން، ރައްޔިތުންގެ މަޖިލީހުގެ 2026 ވަނަ އަހަރުގެ 3 ވަނަ ދައުރު ފެށުމުން، ކޮމިޓީން އެކުލަވާލާ ތާވަލާ އެއްގޮތަށް އެ މަސައްކަތް ކުރިއަށް ގެންދެވުމަށް މަޝްވަރާކުރެވުނެވެ.