މިއަދުގެ ބައްދަލުވުމުގައި ކުރިއަށް ގެންދެވީ ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) އަށް ... ވަނަ އިސްލާޙު ގެނައުމުގެ ބިލުގެ މަސައްކަތެވެ. އެގޮތުން، ފުރަތަމަ ކަމަކަށް މި ބިލު ނިންމާނެ ސުންގަޑި 24 އޮގަސްޓު 2026 ދުވަހުގެ ނިޔަލަށް އިތުރު ކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހެޅުއްވިއެވެ. މި ހުށަހެޅުމަށް އުނގޫފާރު ދާއިރާގެ މެންބަރު އިބްރާހީމް ޝިފާޒް ތާއީދު ކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

އެއަށްފަހު، އިދާރީ މޭޒުން ބިލު ކިޔަމުން ދަނިކޮށް، ކެންދޫ ދާއިރާގެ މެންބަރު މަޢުރޫފު ޛާކިރު ފުރުސަތެއް ހޯއްދެވުމަށްފަހު ހުށަހެޅުއްވީ، މި ބިލާ ގުޅިގެން ޕެޓިޝަން ކޮމިޓީއަށް ހުށަހެޅިފައިވާ ޕެޓިޝަންތަކާމެދު އެ ކޮމިޓީން ވަކި ގޮތެއް ނިންމުމުން، އެ ނިންމުމަށް ރިއާޔަތް ކުރުމަށްފަހު މި ބިލުގެ މަސައްކަތް ކުރިއަށް ގެންދިއުމަށެވެ. މި ހުށަހެޅުމަށް ކެޔޮދޫ ދާއިރާގެ މެންބަރު މުޙައްމަދު ނިއުޝާދު ތާއީދު ކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްނުވެއެވެ.

އެއާއެކު، އުނގޫފާރު ދާއިރާގެ މެންބަރު އިބްރާހީމް ޝިފާޒް ހުށަހެޅުއްވީ ބިލުގެ މަސައްކަތް އެޖެންޑާ ކުރެވިފައިވާ ގޮތަށް ކުރިއަށް ގެންދިއުމަށެވެ. މި ހުށަހެޅުމަށް ވިލިފުށި ދާއިރަގެ މެންބަރު ޙަސަން ވަޙީދު ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެއަށްފަހު، އިދާރީ މޭޒުން ބިލު ކިޔުމަށްފަހު، ބިލުގެ 1 ވަނަ މާއްދާއިން، ބުނެވިދިޔަ ޤާނޫނުގެ 56-2 ވަނަ މާއްދާގެ (ލ) ގެ ފަހަތަށް އަކުރެއް އިތުރުކުރުމަށް ހުށަހަޅާފައިވާ އިޞްލާޙު ބިލުން އުނިކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހެޅުއްވިއެވެ. އަދި މި ހުށަހެޅުމަށް އުނގޫފާރު ދާއިރާގެ މެންބަރު އިބްރާހީމް ޝިފާޒް ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަން މި ހުށަހެޅުން ފާސްވިއެވެ.

އެއަށްފަހު، ޤާނޫނުގެ 56-2 ވަނަ މާއްދާގެ (ނ) އިޞްލާޙުކުރުމަށް ބިލުގެ 1 ވަނަ މާއްދާގެ ގޮތުގައި މާއްދާއެއް އިތުރުކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހެޅުއްވިއެވެ. އަދި މި ހުށަހެޅުމަށް އުނގޫފާރު ދާއިރާގެ މެންބަރު އިބްރާހީމް ޝިފާޒް ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެއަށްފަހު، ޤާނޫނުގެ 56-2 ވަނަ މާއްދާގެ (ރ) އިޞްލާޙުކުރުމަށް ބިލުގެ 2 ވަނަ މާއްދާގެ ގޮތުގައި މާއްދާއެއް އިތުރުކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހެޅުއްވިއެވެ. އަދި މި ހުށަހެޅުމަށް އުނގޫފާރު ދާއިރާގެ މެންބަރު އިބްރާހީމް ޝިފާޒް ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެއަށްފަހު، ޤާނޫނުގެ 65 ވަނަ މާއްދާގެ (ށ) ގެ (1) ވަނަ ނަންބަރު އިޞްލާޙުކުރުމަށް ބިލުގެ 3 ވަނަ މާއްދާގެ ގޮތުގައި މާއްދާއެއް އިތުރުކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހެޅުއްވިއެވެ. އަދި މި ހުށަހެޅުމަށް ނައިފަރު ދާއިރާގެ މެންބަރު ޔާސީން ޢަބްދުﷲ ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެއަށްފަހު، ޤާނޫނުގެ 2-107 ވަނަ މާއްދާގެ (ރ) ގެ ފަހަތައް އަކުރެއް އިތުރުކުރުމަށް ބިލުގެ 4 ވަނަ މާއްދާގެ ގޮތުގައި ހުށަހަޅާފައިވާ މާއްދާ ހުށަހެޅިފައިވާ ގޮތަށް ފާސްކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެއަށްފަހު، ޤާނޫނުގެ 131-1 ވަނަ މާއްދާގެ (ކ) ގެ ފަހަތައް އަކުރެއް އިތުރުކުރުމަށް ބިލުގެ 5 ވަނަ މާއްދާގެ ގޮތުގައި ހުށަހަޅާފައިވާ މާއްދާ ހުށަހެޅިފައިވާ ގޮތަށް ފާސްކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އިއްތިފާޤުން މި ހުށަހެޅުން ފާސްވިއެވެ.

އެއަށްފަހު، ޤާނޫނުގެ 131-2 ވަނަ މާއްދާގެ (ބ) ގެ ފަހަތައް އަކުރެއް އިތުރުކުރުމަށް ބިލުގެ 5 ވަނަ މާއްދާގެ ގޮތުގައި ހުށަހަޅާފައިވާ މާއްދާ ހުށަހެޅިފައިވާ ގޮތަށް ފާސްކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެއަށްފަހު، ބިލުގެ 7 ވަނަ މާއްދާގެ ގޮތުގައި މާއްދާއެއް އިތުރުކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ހުށަހެޅުއްވިއެވެ. އަދި މި ހުށަހެޅުމަށް ނައިފަރު ދާއިރާގެ މެންބަރު ޔާސީން ޢަބްދުﷲ ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެއަށްފަހު، ބިލުގެ 8 ވަނަ މާއްދާގެ ގޮތުގައި ހުށަހަޅާފައިވާ މާއްދާ ހުށަހެޅިފައިވާ ގޮތަށް ފާސްކުރުމަށް ހެންވޭރު އުތުރު ދާއިރާގެ މެންބަރު އަޙްމަދު އައިފާން ތާއީދުކުރެއްވިއެވެ. އަދި މި ހުށަހެޅުމަށް ވޯޓަށް އެއްސެވުމުން ކޮމިޓީއަށް ހާޒިރުވެ ވޯޓުގައި ބައިވެރިވެ ވަޑައިގެންނެވި މެންބަރުންގެ އަޣްލަބިއްޔަތުން މި ހުށަހެޅުން ފާސްވިއެވެ.

އެންމެ ފަހުން، ޕެޓިޝަން ކޮމިޓީއަށް ހުށަހެޅިފައިވާ ޕެޓިޝަންތަކާ ގުޅިގެން މަޝްވަރާކޮށް، އެ ޕެޓިޝަންތަކުގައި ރައްޔިތުން ސޮއި ކޮށްފައިވާ އަދަދާއި، ޕެޓިޝަންތަކުގައި ފާހަގަކޮށްފައިވާ ކަންކަމަށް ރިއާޔަތްކުރައްވާފައިވެއެވެ.