ރައްޔިތުންގެ މަޖިލީހުގެ ގަވާއިދުގެ 115 ވަނަ މާއްދާގެ (ޏ) ގެ ދަށުން މަޖިލީހުގެ ދާއިމީ ކޮމިޓީއެއްގެ ގޮތުގައި އަލަށް އުފެދުނު ގެދޮރުވެރިކަމުގެ ކޮމިޓީގައި މެންބަރުން ހިމެނިވަޑައިގަންނަވާނެ ނިސްބަތާއި، އެ ކޮމިޓީގައި މެންބަރުން ތަމްސީލުކުރެއްވުމަށް ހުށަހެޅިފައިވާ ގޮތް މަޖިލީހުން ފާސްކުރެއްވުން. 

ސަރުކާރުގެ ފަރާތުން، ކާށިދޫ ދާއިރާގެ މެންބަރު މުންތަޡިމް އިބްރާހީމް ހުށަހަޅުއްވާފައިވާ، ޤާނޫނު ނަންބަރު 10/2010 (ލޯކަލް ކައުންސިލްތަކުގެ އިންތިޚާބުގެ ޤާނޫނު) އަށް އިޞްލާޙު ގެނައުމުގެ ބިލުގެ އިބްތިދާއީ ބަހުސް ފަށްޓަވައި ބަހުސްކުރެއްވުމަށްފަހު، ބިލު މަޖިލީހުން ބަލައިގަތުން.

ހިޔުމަން ރައިޓްސް ކޮމިޝަން އޮފް ދަ މޯލްޑިވްސްއަށް މެންބަރަކު ޢައްޔަނުކުރެއްވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ މައްސަލަ، ހިޔުމަން ރައިޓްސް އެންޑް ޖެންޑަރ ކޮމިޓީން ދިރާސާކޮށް ނިންމިގޮތުގެ ރިޕޯޓު ހުށަހަޅުއްވައި ބަހުސްކުރެއްވުމަށްފަހު، ގ. ގާކޮށި ފްލެޓް 111-ބީ، އަލްއުސްތާޛު އިސްމާޢީލް ޙަބީބު ޢަބްދުއްރަޙީމްގެ ނަންފުޅު މަޖިލީހުން ފާސްކުރެއްވުން.

ސަރުކާރުގެ ފަރާތުން، ކުޅުދުއްފުށި އުތުރު ދާއިރާގެ މެންބަރު މުޙައްމަދު ދާއޫދު ހުށަހަޅުއްވާފައިވާ، ޤާނޫނު ނަންބަރު 2/2008 (ވަޒީފާއާބެހޭ ޤާނޫނު) އަށް އިޞްލާޙު ގެނައުމުގެ ބިލުގެ ބަހުސް ކުރިއަށްގެންދެވުމަށްފަހު، ބިލު މަޖިލީހުން ބަލައިގަތުން.