މިއަދުގެ ބައްދަލުވުމުގައި އޮޑިޓަރ ޖެނެރަލްގެ އޮފީސް އޮޑިޓް ކުރުމަށް ހުށަހަޅާފައިވާ ޕްރޮޕޯޒަލްތައް ދިރާސާކޮށް، އެންމެ މަތިން މާކްސް ލިބުނު ފަރާތް، ނައީމް އެންޑް ޖިނާން އެލް.އެލް.ޕީ އާއި ހަވާލުކޮށް އޮޑިޓަރ ޖެނެރަލްގެ އޮފީސް އޮޑިޓް ކުރުމަށް ވިލުފުށި ދާއިރާގެ މެންބަރު ޙަސަން ޢަފީފު ހުށަހަޅުއްވައި، ހިތަދޫ އުތުރު ދާއިރާގެ މެންބަރު މުޙައްމަދު އަސްލަމް ތާޢީދުކޮށް އަޣްލަބިއްޔަތުން ފާސްވެފައިވެއެވެ. 'ޗީފް އޮމްބަޑްސްޕަރސަން އާއި އޮމްބަޑްސްޕަރސަން' ގެ މުސާރައިގެ ގޮތުގައި ދެވަނަ އޮޕްޝަން ކަނޑައެޅުމަށް ތިމަރަފުށި ދާއިރާގެ މެންބަރު ޢަބްދުﷲ ރިޔާޟް ހުށަހަޅުއްވައި، މަރަދޫ ދާއިރާގެ މެންބަރު އިބްރާހީމް ޝަރީފް ތާޢީދުކޮށް އިއްތިފާޤުން ފާސްވެފައިވެއެވެ. އަދި މިނިސްޓްރީ އޮފް ފިނޭންސް އިން ފޮނުވާފައިވާ އޭޝިއަން ޑިވެލޮޕްމަންޓް ބޭންކުގެ ޕްރިޕެއަރިންގ އައުޓަރ އައިލެންޑްސް ފޯރ ސަސްޓެއިނަބަލް އެނަރޖީ ޑިވެލޮޕްމަންޓް (ޕޮއެސްޑް) ޕްރޮޖެކްޓަށް ސޮއި ކުރެވިފައިވާ ލޯނާއި، ހުޅުމާލެ ފުރަތަމަ އަދި ދެވަނަ ފިޔަވަހީގެ މަޝްރޫއަށް ފައިސާ ހޯދުމަށް ސޮއި ކުރެވިފައިވާ ލޯނުގެ މަޢުލޫމާތުތައް ކޮމިޓީގެ މެންބަރުންނާއި ހިއްސާ ކުރެވިފައިވެއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA