މިއަދުގެ ބައްދަލުވުމުގައި ސިޔާސީ ޕާޓިތަކުގެ މާލީ ނިޒާމުގެ ނަޒާހާތްތެރިކަން ހަރުދަނާކުރުމުގެ ދިރާސާ ރިޕޯޓް މަޝްވަރާކޮށް، ސިޔާސީ ޕާޓިތަކުގެ އެކައުންޓަބިލިޓީ މައްސަލަތައް ބެލުމަށް 3 މެންބަރުންގެ ސަބުކޮމިޓީ އެއް އެކުލަވާލެވިފައިވެއެވެ. ބޭންކް އޮފް މޯލްޑިވްސް އިން ބައެއް އޮންލައިން ޕޭމަންޓް ސައިޓްސް ބްލޮކްކޮށް އަދި ޔޫއެސްޑީ ލިމިޓް 100 ޑޮލަރަށް މަދުކުރަން ކުންފުނީގެ ބޯޑުން ނިންމާފައިވާ މަޝްވަރާ ކުރެވިފައިވެއެވެ. ސްޓޭޓް ބޭންކް އޮފް އިންޑިއާއިން ޕާމް ބީޗް އައިލެންޑް އެންޑް ރިސޯޓް ވިއްކުމުގެ މައްސަލާގައި ރާއްޖޭގެ ނޫސްތަކުން ދޮގު މަޢުލޫމާތު ފަތުރައްވާފައިވާކަމަށް ބުނާ މައްސަލަ މަޝްވަރާކޮށް، އެ މައްސަލަ މިނިވަން މުއައްސަސާތަކުގެ ކޮމިޓީއަށް ފޮނުވުމަށް ނިންމާފައިވެއެވެ. އަދި މީގެ އިތުރުން، ކޮވިޑް-19 އާއި ގުޅިގެން ވެންޓިލޭޓަރު ގަތުމަށް މާލިއްޔަތުގެ ގަވާއިދާ ޚިލާފަށް އެޑްވާންސް ފައިސާގެ ދީފައިވާ މައްސަލަ އިތުރަށް ދިރާސާ ކުރުމަށް، އެ މައްސަލަ އާ ގުޅުންހުރި ލިޔެކިޔުންތައް ޖުޑީޝަރީ ކޮމިޓީން ހޯދުމަށް ނިންމާފައިވެއެވެ.
© 2024 ރައްޔިތުންގެ މަޖިލިސްގެ އިދާރާA