ޤާނޫނު ނަންބަރު 2008/1 (ސިފައިންގެ ޤާނޫނު) އަށް އިޞްލާޙު ގެނައުމުގެ ބިލުގެ ސުންގަޑިއަކީ 28 ފެބުރުވަރީ 2021 ކަމުގައި ކޮމިޓީގެ އިއްތިފާޤުން ފާސްކުރެއްވިއެވެ. ގިރިފުށި ނޫން އެހެން ރަށަކަށް ސިފައިންގެ އަސްކަރީ ތަމްރީނުތައް ބަދަލުކޮށްދިނުމަށް އެދި ފޮނުއްވާފައިވާ މައްސަލައިގެ ރިޕޯޓާމެދު މަޝްވަރާކުރެއްވިއެވެ. އދ. ގެ ކައުންޓަރ ޓެރަރިޒަމް ކޮމިޓީ އެގްޒެކެޓިވް ޑައިރެކްޓަރޭޓްގެ ވަފުދުގެ ފަރާތުން ކައުންޓަރ ޓެރަރިޒަމް ދާއިރާއިން ރާއްޖެއިން އަޅަމުންދާ ފިޔަވަޅުތައް ބެލުމަށްފަހު އެކުލަވާލައްވާފައިވާ ޕްރެލިމިނަރީ އެސެސްމެންޓް އަދި ރެކަމެންޑޭޝަންތައް އެކުލެވޭ ޑްރާފްޓް ރިޕޯޓު ދިރާސާކުރުމަށް އެކުލަވާލެއްވި ސަބް ކޮމިޓީން އެ މަސައްކަތް ނިންމަވާފައިވާތީ އެ ކޮމެންޓްސް ފޮނުވުމަށް ނިންމެވިއެވެ.
© 2024 ރައްޔިތުންގެ މަޖިލިސްގެ އިދާރާA