މިބައްދަލުވުމުގައި ފުރަތަމަ ކުރިއަށް ގެންދެވީ، ޤާނޫނު ނަންބަރު 2010/3 (ޓެކްސް ނެގުމާބެހޭ އިދާރީ ޤާނޫނު) އަށް އިޞްލާޙުގެނައުމުގެ ބިލުގެ މަސައްކަތް ކުރިއަށް ގެންދާނެ ގޮތަކާއި މެދުގައި މަޝްވަރާކުރުމުގެ މަސައްކަތެވެ. އެގޮތުން، ބިލާއި ގުޅޭގޮތުން މައުލޫމާތު ސާފުކުރުމަށް މިނިސްޓްރީ އޮފް ފިނޭންސް އަދި މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ބޭފުޅުންނަށް ދެންނެވުމަށް މާވަށު ދާއިރާގެ މެންބަރު މުޙައްމަދު ސަޢީދު ހުށަހަޅުއްވައި ނައިފަރު ދާއިރާގެ މެންބަރު އަޙްމަދު ޝިޔާމް ތާއިދުކުރައްވައި ހުށަހެޅުމެއް ހުށަހެޅިގެން ދިޔައެވެ. މިހުށަހެޅުންވަނީ ކޮމިޓީގެ އިއްތިފާޤުން ފާސްކުރައްވާފައެވެ. އެއަށްފަހުގައި ދެން ކުރިއަށް ގެންދެވީ، ދިވެހިރާއްޖޭގެ މަސްވެރިކަމުގެ ބިލު ދިރާސާކުރުމުގެ މަސައްކަތެވެ. އެގޮތުން، މިބިލާއި ގުޅިގެން މަސްވެރިކަމާގުޅޭ ޓެކްނިކަލް ބޭފުޅުންނާއި ބައްދަލުކުރައްވައި މައުލޫމާތު ސާފުކުރެއްވިއެވެ. މަސްވެރިކަމުގެ ޓެކްނިކަލް ބޭފުޅުންގެ ގޮތުގައި މިބައްދަލުވުމުގައި ބައިވެރިވެވަޑައިގެންނެވީ؛ 1. މައިޒާން އުމަރު މަނިކު 2. އުމަރު ޖަމާލް 3. އަލީ ޝަފީޤު މިބޭފުޅުންނާއި ބައްދަލުކުރެއްމަށްފަހުގައި، އިތުރަށް މިބިލާއި ގުޅޭގޮތުން ފާހަގަކުރެވޭ ކަމެއް ވާނަމަ، ކޮމިޓީއަށް ފޮނުއްވައިދެއްވުމަށް އެބޭފުޅުންނަށް ވަނީ ދެންނެވިފައެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA