މިއަދުގެ ބައްދަލުވުމުގައި، ޤާނޫނު ނަންބަރު 11/2016 (ދައުލަތުގެ މުސާރައިގެ ސިޔާސަތުގެ ޤާނޫނު) އިން، މޯލްޑިވްސް މަނިޓަރީ އޮތޯރިޓީ އިސްތިސްނާވެގެންވޭތޯ ސާފުކުރެއްވުމަށް މޯލްޑިވްސް މަނިޓަރީ އޮތޯރިޓީގެ ގަވަރުނަރު އެދިވަޑައިގެންފައިވާތީ، އެ އޮތޯރިޓީ އެ ޤާނޫނުން އިސްތިސްނާވެގެންވާކަމާމެދު ކޮމިޓީން ދެކެވަޑައިގަންނަވާގޮތެއް އަންގަވައިދެއްވުމަށް އެދި ހުށަހަޅާފައިވާ މައްސަލައާމެދު މަޝްވަރާކުރުނުވެ. ނަމަވެސް، އަދި ވަކި ގޮތަކަށް ކޮމިޓީން ނިންމާފައެއް ނުވެއެވެ. ދިވެހިރާއްޖޭގެ ދިފާއީ ނިޒާމް ހަރުދަނާކުރުމަށް ހިންގުމަށް ހަމަޖެހިފައިވާ މަޝްރޫޢުތަކަށް އެކްސްޕޯޓް-އިމްޕޯޓް ބޭންކް އޮފް އިންޑިއާ (އެގްޒިމް އިންޑިއާ) އިން 50 މިލިއަން އެމެރިކާ ޑޮލަރުގެ ލައިން އޮފް ކްރެޑިޓް ފޯރުކޮށްދިނުމަށް ހަމަޖެހުމާއި ގުޅިގެން އެގްޒިމް އިންޑިއާ އާއި ދިވެހި ސަރުކާރާ ދެމެދު ސޮއިކޮށްފައިވާ ލައިން އޮފް ކްރެޑިޓް ފެސިލިޓީއާގުޅޭ މަޢުލޫމާތު މެންބަރުންނާ ޙިއްސާކުރެވުނެވެ