މިއަދުގެ ބައްދަލުވުމުގައި، މިނިސްޓްރީ އޮފް ހެލްތްއިން ރާއްޖެއަށް ގެންނަވަން މަސައްކަތްކުރައްވާފައިވާ ވެންޓިލޭޓަރުތަކުގެ މައްސަލައިގައި ދަޢުވާނުކުރައްވަން ނިންމެވިކަން އެންގެވުމުގެ ގޮތުން ޕްރޮސިކިއުޓަރ ޖެނެރަލް ފޮނުއްވާފައިވާ ސިޓީއާ ގުޅޭގޮތުން ކޮމިޓީން މަޝްވަރާކުރެއްވިއެވެ. އަދި އެއަށްފަހު، އެ މައްސަލައިގެ ތަޙްޤީޤާ ގުޅޭގޮތުން މަޢުލޫމާތު ސާފުކުރެއްވުމަށް އެންޓި-ކޮރަޕްޝަން ކޮމިޝަނާ ބައްދަލުކުރެއްވުމަށް ކޮމިޓީން ނިންމެވިއެވެ. އަދި، ވެންޓިލޭޓަރުތައް ގެންނެވުމަށް މިނިސްޓްރީ އޮފް ހެލްތްއިން ވެފައިވާ އެއްބަސްވުމުގެ ކޮޕީވެސް ހޯއްދެވުމަށް ކޮމިޓީން ނިންމެވިއެވެ. މީގެ އިތުރުން، މި މައްސަލައާ ގުޅޭގޮތުން އެންޓި-ކޮރަޕްޝަން ކޮމިޝަނުން ޕްރޮސިކިއުޓަރ ޖެނެރަލްއާ ހިއްސާކުރައްވާފައިވާ މަޢުލޫމާތު ހޯއްދެވުމަށްވެސް ކޮމިޓީން ނިންމެވިއެވެ. އެއަށްފަހު، ކޮމިޓީއަށް މޯލްޑިވްސް ކަރެކްޝަނަލް ސަރވިސްއާއި ވަޒީފާއާބެހޭ ޓްރައިބިއުނަލްއިން ފޮނުއްވާފައިވާ ސިޓީތަކާ ގުޅޭގޮތުން ވެސް ކޮމިޓީގައި މަޝްވަރާކުރެއްވިއެވެ.
© 2024 ރައްޔިތުންގެ މަޖިލިސްގެ އިދާރާA