މިއަދުގެ ބައްދަލުވުމުގައި ފުރަތަމަ ކުރިއަށް ގެންދެވީ ދިވެހިރާއްޖޭގެ ތަފާސްހިސާބުގެ ބިލު ދިރާސާކުރެއްވުމެވެ. އެ ގޮތުން ބިލުގެ 5 ވަނަ މާއްދާގެ (ބ) އިން ފެށިގެން 20 ވަނަ މާއްދާގެ ނިޔަލަށް އިސްލާހް ކުރެއްވިއެވެ. ދެން ކުރިއަށް ގެންދެވީ ޤާނޫނު ނަންބަރު 2009/5 (އެއްގަމު ދަތުރުފަތުރުގެ ޤާނޫނު) އަށް އިޞްލާޙު ގެނައުމުގެ ބިލު ނަންބަރު (2020/22) ސަބް-ކޮމިޓީން ދިރާސާކޮށް ނިންމި ގޮތުގެ ރިޕޯޓާމެދު ގޮތެއްނިންމެވުމެވެ. އެގޮތުން މެންބަރުން މަޝްވަރާކުރެއްވުމަށްފަހު ކޮމިޓީގެ އަޣުލަބިއްޔަތުން ބިލަށް ގެންނަންފެންނަ އިސްލާހްތައް ފާސްކުރައްވައި ބިލުގެ ކޮމިޓީ މަރުހަލާގެ މަސައްކަތް ނިންވަމާލެއްވިއެވެ. އަދި ބިލުގެ ރިޕޯޓް ތައްޔާރުކުރުމަށްފަހު މަޖިލީހުގެ ތަޅުމަށް ފޮނުއްވުމަށް ކޮމިޓީގެ އިއްތިފާގުން ފާސްކުރެއްވިއެވެ.