މިއަދުގެ ބައްދަލުވުމުގައި، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުން ކަށަވަރުކުރުމުގެ ޚާއްޞަ ބިލް 2020 ގެ ސުންގަޑި ކަނޑައެޅުމާބެހޭގޮތުން މަޝްވަރާކުރައްވައި ބިލް ދިރާސާކުރެއްވިއެވެ. އެގޮތުން، މި ބިލް ދިރާސާކުރެއްވުމަށް، ސުންގަޑީގެ ގޮތުގައި ދެ ހަފްތާގެ މުއްދަތު، އުނގޫފާރު ދާއިރާގެ މެންބަރު މުޙައްމަދު ވަޙީދު ހުށަހެޅުއްވިއެވެ. މި ހުށަހެޅުމަށް މައްޗަންގޮޅި އުތުރު ދާއިރާގެ މެންބަރު މުޙައްމަދު ރަޝީދު ތާއީދުކުރައްވައި، ވޯޓުގައި ބައިވެރިވެވަޑައިގެންނެވި މެންބަރުންގެ އަޣުލަބިއްޔަތުން ފާސްކުރެވުނެވެ. ހަމައެއާއެކު، ބިލް ދިރާސާކުރެއްވުމުގެ މަރުޙަލާގައި، ކަމާބެހޭ ފަރާތްތަކުގެ ލަފާ ހޯއްދެވުމަކީ މުހިންމު ކަމެއް ކަމަށް ދެކެވަޑައިގަންނަވާތީ، އެޓާރނީ ޖެނެރަލް އާއި، އެލް.ޖީ.އޭ އަދި މި ބިލް ހުށަހެޅުއްވި މެންބަރު، ކޮމިޓީއަށް ޙާޒިރުކުރައްވައި މަޝްވަރާކުރެއްވުމަށާއި އާންމު ރައްޔިތުންގެ ޚިޔާލަށް ހުޅުވާލުމަށް ނިންމެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA