މިއަދުގެ ބައްދަލުވުމުގައި، 5 ޖުލައި 2019 ވަނަ ދުވަހުގެ ރޭގަނޑުގެ ވަގުތެއްގައި ފުލުހުންތަކެއް ޢާންމު ރައްޔިތަކަށް އަނިޔާ ކުރާ ވީޑިއޯއެއް މީސްމީޑިއާގައި ދައުރުވަމުން ދާތީ، އެ މައްސަލަ ކޮމިޓީގެ މުޤައްރިރުގެ އިސްނެގުމުގެ މަތިން ދިރާސާކުރައްވަން ނިންމެވިއެވެ. މި ގޮތުން ކޮމިޓީން ނިންމެވީ ނޭޝަނަލް އިންޓަރގްރިޓީ ކޮމިޝަން، މޯލްޑިވެސް ޕޮލިސް ސާރވިސްގެ ޕްރޮފެޝަނަލް ސްޓޭންޑާރޑްސް ކޮމާންޑް އަދި ހިއުމަން ރައިޓްސް ކޮމިޝަންގެ ބޭފުޅުންނާއެކު 9 ޖުލައި 2019 ވާ އަންގާރަދުވަހުގެ 21:00 ގައި ބައްދަލު ކުރެއްވުމަށެވެ. އަދި އަނިޔާވި ފަރާތްތަކު ހާލަތު ބެއްލެވުމަށާއި މި މައްސަލައިގެ ތަޙްޤީޤް ގޮސްފައިވާ ހިސާބު ސާފުކުރެއްވުމަށްވެސް ކޮމިޓީން ނިންމެވިއެވެ.