މިއަދުގެ ބައްދަލުވުމުގައި ކުރިއަށްގެންދެވީ ހުޅުމާލޭގައި ހުންނަ ފިޔަވަތީގެ ބެލުމުގައިދަށުގައި ތިބި ކުޑަކުދިންތަކެއް، އެ ތަނުގެ ފާރުމައްޗަށާއި، ހުރަވީ ސްކޫލްގެ ފާރުމައްޗަށް އަރައިގެން އުޅޭ ފޮޓޯތަކަކާއި، އެކުދިން އަނބުރާ ފިޔަވައްޗަށް ގެންދިއުމުގައި ގަދަބާރުން އެކުދިން ގެންދާކަހަލަ ގޮތަކަށް ފެންނަ ފޮޓޯތަކެއް ދައުރު ވަމުންދާތީ އެކަމާ ގުޅޭގޮތުން މަޝްވަރާ ކުރެއްވުމެވެ. މި މައްސަލައާ ގުޅޭގޮތުން މަޝްވަރާ ކުރެއްވުމަށްފަހު، މިކަން ހިނގައިދިޔަ ގޮތް ސާފުކުރެއްވުމަށް މޯލްޑިވްސް ޕޮލިސް ސަރވިސް އަދި މިނިސްޓްރީ އޮފް ޖެންޑަރ ފެމިލީ އެންޑް ސޯޝަލް ސަރިސަސް އަށް ސިޓީ ފޮނުއްވުމަށް ކޮމިޓީން ނިންމެވިއެވެ.