މިއަދުގެ ބައްދަލުވުމުގައި ކުރިއަށްގެންދެވީ ޤާނޫނު ނަންބަރު 2007/1 (ދިވެހިރާއްޖޭގެ އިމިގްރޭޝަންގެ ޤާނޫނު) އަށް އިޞްލާޙު ގެނައުމުގެ ބިލު އަލުން ދިރާސާކޮށް ނިންމި ގޮތުގެ ރިޕޯޓާމެދު އަލުން ވިސްނާވަޑައިގެންދެއްވުމަށް އެ ރިޕޯޓު އަނބުރާ ކޮމިޓީއަށް ފޮނުވިފައިވާ މައްސަލައެވެ. މި ގޮތުން ރެސިޑެންޓް ވީޒާއާ ގުޅޭ މާއްދާއާއި މިހާތަނަށް ކޮމިޓީއިން އިޞްލާޙުކުރައްވާފައިވާ ބިލުގެ މާއްދާތަކާ ގުޅޭގޮތުން މިނިސްޓްރީ އޮފް އިކޮނޮމިކް ޑިވެލޮޕްމަންޓް، އެޓަރނީ ޖެނެރަލްގެ އޮފީސް، މިނިސްޓްރީ އޮފް ޖެންޑަރ، ފެމިލީ އެންޑް ސޯޝަލް ސަރވިސަސް އަދި މޯލްޑިވްސް އިމިގްރޭޝަންގެ ކަމާގުޅޭ އިސް ބޭފުޅުންނާ ބައްދަލުކުރެއްވުމަށް ކެންދިކުޅުދޫ ދާއިރާގެ މެންބަރު އަޙްމަދު އީސާ ހުށަހަޅުއްވައި ދުވާފަރު ދާއިރާގެ މެންބަރު އިސްމާޢީލް އަހްމަދު ތާއީދުކުރެއްވިއެވެ. އަދި ކޮމިޓީގެ އިއްތިފާގުން ފާސްކުރެއްވިއެވެ.