މިއަދުގެ ބައްދަލުވުމުގައި ފުރަތަމަ ކުރިއަށްގެންދެވީ މަޖިލީހުގެ އިދާރާގެ އޮންނަ ޕެނަލް އަދި ކޮމިޓީތަކުގައި ޢާންމު ކޮމިޓީގެ މެންބަރުން ބައިވެރިވުމާގުޅޭ ގޮތުންނެވެ. އެގޮތުން ކޮންމެ ޕެނަލް އަދި ކޮމިޓީއެއްގައި ޢާންމު ކޮމިޓީގެ ދެ މެންބަރެއް އިނުމަށް ވަނީ ނިންމަވާފައެވެ. އެއަށްފަހު ކޮމިޓީގައި މަޝްވަރާ ކުރެއްވީ އައި.ޕީ.ޔޫގެ ބައްދަލުވުމުގެ ތެރޭގައި ސައުންޑް ސިސްޓަމްއަށް ދިމާވި މައްސަލައަކާ ގުޅިގެން މަޖިލިޙުގެ ފްލޯގައި ވާހަކަ ދެއްކި އިރު އަޑު ލިބެންޖެހޭ ތަންތަނަށް އަޑު ނުލިބޭތީ، އެމައްސަލައިގައި ކަންހިގާފައިވާ ގޮތް ސާފުކުރުމާމެދުއެވެ. މި ގޮތުން ކޮމިޓީން ނިންމެވީ މި މައްސަލަ ދިރާސާކުރުމަށް ސަބް ކޮމިޓީއެއް އެކުލަވާލުމަށެވެ. މި ސަބް ކޮމިޓީގައި ހިމެނި ވަޑައިގަންނަވަނީ: 1. ހެންވޭރު ހުޅަނގު ދާއިރާގެ މެންބަރު ޙަސަން ލަތީފް 2. ކުރެންދޫ ދާއިރާގެ މެންބަރު ޢަބްދުލްޣަނީ ޢަބްދުލްޙަކީމް 3. ފުވައްމުލަކު އުތުރު ދާއިރާގެ މެންބަރު މުޙައްމަދު ރަޝީދު އަދި މީގެއިތުރުން ޕާލިމަޓްރީ ގްރޫޕްގެ އިދާރީ، އަދި ފަންނީ މަސައްކަތްތައް ކުރުމަށް ބޭނުންވާ މުއައްޒަފުން ހަމަޖެއްސުމާ ގުޅޭގޮތުން މަޝްވަރާކުރެއްވިއެވެ.
© 2024 ރައްޔިތުންގެ މަޖިލިސްގެ އިދާރާA