މިއަދުގެ ބައްދަލުވުމުގައި ކުރިއަށް ގެންދެވީ 26 އަހަރުގެ ފިރިހެނަކު 13 އަހަރުގެ އަންހެން ކުއްޖަކާ ކޯޓުން ބޭރުން ކައިވެނިކޮށް އެކުއްޖާ ބަލިވެއިން މައްސަލައާ ގުޅިގެން މަޝްވަރާ ކުރެއްވުމެވެ. އެގޮތުން މިމައްސަލައާ ގުޅިގެން މިހާތަކަސް ލިބިފައިވާ މަޢުލޫމާތާއި، އަދި ކުރިން ލިބިފައިވާ މަޢުލޫމާތާއި އަޅާފައިވާ ފިޔަވަޅުތައް ހޯދުމަށް ޖެންޑަރ މިނިސްޓްރީ، މޯލްޑިވްސް ޕޮލިސް ސަރވިސް އަދި ހިއުމަން ރައިޓްސް ކޮމިޝަންއަށް ސިޓީ ފޮނުވުމަށާއި އަދި ރާއްޖޭގެ ހުރިހާ ކައުންސިލްތަކަސް އެ ރަށްރަށުގައި މފަދަ މައްސަލަތަކެއް ހުރިނަމަ އެކަން ކޮމިޓީއާ ހިއްސާކުރެއްވުމަށް ސިޓީ ފޮނުވުމަށް ނިލަންދޫ ދާއިރާގެ މެންބަރު ޢަބްދުލްމުޙްސިން ޙަމީދު ހުށަހެޅުއްވިއެވެ. މި ހުށަހެޅުމަށް ފުވައްމުލަކު ދެކުނު ދާއިރާގެ މެންބަރު މުޙައްމަދު މުމްތާޒް ތަޢީދު ކުރެއްވިއެވެ. މި ހުށަހެޅުމަށް ވޯޓަށް އެއްސެވުމުން މި ހހުށަހެޅުން ކޮމިޓީގެ އިއްތިފާޤުން ފާސްވިއެވެ.