މިއަދުގެ ބައްދަލުވުމުގައި މަޝްވަރާކުރެއްވީ، ޤާނޫނު ނަންބަރު 2013/12 (މީހުން ޓްރެފިކްކުރުން ހުއްޓުވުމުގެ ޤާނޫނު) އަށް އިޞްލާޙު ގެނައުމުގެ ބިލު ދިރާސާކޮށް ނިންމާނެ ސުންގަޑި ކަނޑައެޅުމާ ގުޅޭ ގޮތުންނެވެ. މިގޮތުން މި ބިލުގެ ސުންގަޑިއަކީ 1 މާރިޗު 2021 ކަމަށް މައްޗަންގޮޅި ދެކުނު ދާއިރާގެ މެންބަރު އަޙްމަދު ޚައިތަމް ހުށަހަޅުއްވައި ކ ދުވާފަރު ދާއިރާގެ މެންބަރު އިސްމާޢީލް އަޙްމަދު ތާއީދުކުރެއްވިއެވެ. އަދި މި ހުށަހެޅުން އެވަގުތު ކޮމިޓީއަށް ހާޒިރުވެ ވަޑައިގެންނެވި މެންބަރުންގެ އިއްތިފާޤުން ވަނީ ފާސްކުރައްވާފައެވެ.