ޚުލާސާ

މިއަދުގެ ބައްދަލުވުމުގައި، އެންމެ ފުރަތަމަ، އއ.މަތިވެރީގެ ޓޫރިޒަމް ޒޯން 1 އަދި 2 މިނިސްޓްރީ އޮފް ޓޫރިޒަމް އިން އަމިއްލަ ފަރާތްތަކަށް 50 އަހަރަށް ކުއްޔަށްދޭން ނިންމި ނިންމުމާ ގުޅިގެން އއ.މަތިވެރި ކައުންސިލުން ހުށަހަޅުއްވާފައިވާ މައްސަލަ ލާމަރުކަޒީ ކޮމިޓީން ދިރާސާކޮށް ނިންމި ގޮތުގެ ރިޕޯޓު ފާސްކުރެއްވިއެވެ. އެގޮތުން، ކޮމިޓީގައި ބައިވެރިވަޑައިގެންނެވި މެންބަރުންގެ އަޣުލަބިއްޔަތުން ރިޕޯޓު ފާސްވިއެވެ. ދެން، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނަށް އިޞްލާޙް ގެނައުމުގެ ބިލުގެ ސުންގަޑިއަށް 2 ހަފްތާ އިތުރުކުރެއްވިއެވެ. އެއަށްފަހު، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނަށް އިޞްލާޙް ގެނައުމުގެ ބިލަށް އެކިއެކި އިދާރާތަކުން ހުށަހަޅުއްވާފައިވާ ކޮމެންޓްތައް ދިރާސާކުރެއްވިއެވެ.

ބައްދަލުވުމުގައި ކުރެވުނު މަސައްކަތްތައް

4 ފެބްރުއަރީ 2020 - ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނު (ޤާނޫނު ނަންބަރު 7/2010) އަށް އިޞްލާޙު ގެނައުމުގެ ބިލު

1 އޮކްޓޯބަރު 2019 - އއ. މަތިވެރީގެ "ޓޫރިޒަމް ޒޯން 1 އަދި 2" ރިޗް ކްލަބް މޯލްޑިވްސް އަށް 50 އަހަރަށް ކުއްޔަށް ދޭން ނިންމި ނިންމުމާ ގުޅިގެން އަރިއަތޮޅު އުތުރުބުރީ މަތިވެރި ކައުންސިލްގެ އިދާރާއިން ހުށަހަޅާފައިވާ މައްސަލަ.