މިއަދުގެ ބައްދަލުވުމުގައި، އެންމެ ފުރަތަމަ، ކުރިއަށް ގެންދެވީ ގދ. ފިޔޯރީ ހެލްތު ސެންޓަރާ ގުޅިގެން ކޮމިޓީއަށް ލިބިފައިވާ މައްސަލައެއް ދިރާސާކުރެއްވުމުގެ މަސައްކަތެވެ. އެގޮތުން އެ މައްސަލަ ދިރާސާކުރެއްވުމަށްފަހު ކޮމިޓީއިން ނިންމެވީ އެ މައްސަލައަކީ ލާމަރުކަޒީ ކޮމިޓީގެ އިޚްތިޞާޞްގެ ތެރެއިން ބެލޭނެ މައްސަލައެއްނޫންކަމަށާއި، އެއީ އިޖުތިމާއީ ކޮމިޓީގެ އިޚްތިޞާޞްގެ ތެރެއިން ބެލޭނެ މައްސަލައަކަށްވާތީ އެމައްސަލަ އެކޮމިޓީއަށް ފޮނުވުއްވުމަށެވެ. ދެން، މިއަދުގެ ބައްދަލުވުމުގައި ކުރިއަށް ގެންދެވީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނަށް އިޞްލާޙް ގެނައުމުގެ ބިލު ދިރާސާކުރެއްވިއެވެ.