މިއަދުގެ ބައްދަލުވުމުގައި އެޖެންޑާ ކުރެވިފައިވަނީ، ކޮމިޓީއަށް ހުށަހެޅިފައިވާ މައްސަލަތަކާމެދު މަޝްވަރާކުރެއްވުމެވެ. އެ ގޮތުން މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އަލްފާޟިލާ ޒަހާ ވަހީދު އެކަމަނާގެ މިނިސްޓްރީގެ މަސްއޫލިއްޔަތުތައް ފުރިހަމައަށް އަދާކުރަމުންނުދާކަމަށް ފެންނާތީ، އެކަމަނާއާ ސުވާލުކުރުމަށް ކޮމިޓީއަށް ހާޒިރުކުރެވޭނެ އިންތިޒާމު ހަމަޖައްސަވައިދެއްވުން އެދި ކާށިދޫ ދާއިރާގެ މެންބަރު ޢަބްދުﷲ ޖާބިރު ހުށަހަޅުއްވާފައިވާ ސިޓީއާމެދު މަޝްވަރާކުރެވުނެވެ. އެ ގޮތުން މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އަލްފާޟިލާ ޒަހާ ވަހީދު ކޮމިޓީއަށް ހާޒިރުކުރެއްވުމަށް ކާށިދޫ ދާއިރާގެ މެންބަރު ޢަބްދުﷲ ޖާބިރު ހުށަހެޅުއްވުމުން މަހިބަދޫ ދާއިރާގެ މެންބަރު އަޙްމަދު ޠާރިޤް ތާއީދު ކުރެއްވިއެވެ. މި ހުށަހެޅުމަށް ވޯޓަށް އެހުމުން، ބައްދަލުވުމުގައި ބައިވެރިވެލެއްވި މެމްބަރުންގެ ތެރެއިން ފެންނަކަމަށް ވޯޓުދެއްވީ 02 މެމްބަރުންކަމުން، މި ހުށަހެޅުން ފާހެއްނުވެއެވެ.