މިއަދުގެ ބައްދަލުވުމުގައި އެޖެންޑާ ކުރެވިފައިވަނީ، މިނިސްޓްރީ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރ އަލްފާޟިލާ ޒަހާ ވަހީދު އެކަމަނާގެ މިނިސްޓްރީގެ މަސްއޫލިއްޔަތުތައް ފުރިހަމައަށް އަދާކުރަމުންނުދާކަމަށް ފެންނާތީ، އެކަމަނާއާ ސުވާލުކުރުމަށް ކޮމިޓީއަށް ހާޒިރުކުރެވޭނެ އިންތިޒާމު ހަމަޖައްސަވައިދެއްވުން އެދި ކާށިދޫ ދާއިރާގެ މެންބަރު ޢަބްދުﷲ ޖާބިރު ހުށަހަޅުއްވާފައިވާ ސިޓީއެވެ. މި ސިޓީއާ ގުޅޭގޮތުން މަޝްވަރާކުރުމަށްފަހު، ކާށިދޫ ދާއިރާގެ މެންބަރު އަބްދުﷲ ޖާބިރު ހުށަހަޅުއްވާފައިވާ ގޮތަށް ފުވައްމުލަކު މެދު ދާއިރާގެ މެންބަރު ހުސައިން މުޙައްމަދު ދީދީ ތާއިދުކުރައްވާފައިވެއެވެ. އަދި ކޮމިޓީގެ އެހެން މެންބަރުންގެ ވެސް ވަނީ ތާއީދުކުރައްވާފައެވެ. އަދި އެއްވެސް މެންބަރަކު އިޢުތިރާޟްނުކުރައްވާތީ، އެ ގޮތަށް އެ މައްސަލަ ނިންމެވިއެވެ.