މިއަދުގެ ބައްދަލުވުމުގައި މިނިސްޓަރ އޮފް ޓޫރިޒަމް ގެ މަޤާމަށް އައްޔަންކުރައްވާފައިވާ ދަފްތަރު ނަންބަރު 4336، ޑޮކްޓަރ ޢަބްދުﷲ މަޢުސޫމް އަށް ރުހުންދިނުމާމެދު މަޝްވަރާކުރެއްވުމަށްފަހު، ކޮމިޓީއިން ބެލިބެލުމުގައި އެ މަނިކުފާނަކީ ޓްރާންސް މީޑިއާ ޕވޓ.ލޓޑގެ ބޯޑް ޑިރެކްޓަރ ކަމާއި މެނޭޖިންގ ޑިރެކްޓަރކަން ފުރުއްވާ ބޭފުޅެއްކަން މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ރެކޯޑްތަކުންދައްކާތީ، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 136 ވަނަ މާއްދާގެ (ހ)ގެ ދަށުން ވަޒީރުންގެ މަޖިލީހުގެ މެންބަރަކު ކޮށްގެން ނުވާނޭ ކަންތައްތަކުގެ ތެރޭގައި ހިމެނޭ ކަމެއްތޯ ސާފުކުރެއްވުމަށް، ރައްޔިތުންގެ މަޖިލީހުގެ ކައުންސެލް ޖެނެރަލްގެ ޤާނޫނީ ލަފާހޯއްދެވުމަށް ފެންނަކަމަށް ފުވައްމުލަކު މެދު ދާއިރާގެ މެންބަރު ޙުސައިން މުޙައްމަދު ދީދީ ހުށަހެޅުއްވުމުން ދަނގެތި ދާއިރާގެ މެންބަރު މުޙައްމަދު ނާޡިމް ތާއީދުކުރެއްވިއެވެ. މި ހުށަހެޅުން ބައްދަލުވުމުގައި ބައިވެރިވެލެއްވި 11 މެންބަރުންގެ ތެރެއިން 10 މެމްބަރުންގެ އަޤްލަބިއްޔަތުން ފާސްކުރެވުނެވެ. (މި ހުށަހެޅުން ފާސްކުރުމަށް ފެންނަކަމަށް ވޯޓް ދެއްވާފައިވަނީ، މާފަންނު ދެކުނު ދާއިރާގެ މެންބަރު އާދަމް އަލީ، ވައިކަރަދޫ ދާއިރާގެ މެންބަރު ޙުސައިން ޒިޔާދު، ފުވައްމުލަކު މެދު ދާއިރާގެ މެންބަރު ޙުސައިން މުޙައްމަދު ދީދީ، މަނަދޫ ދާއިރާގެ މެންބަރު އަޙްމަދު ހާރޫން، ކުޅުދުއްފުށީ އުތުރު ދާއިރާގެ މެންބަރު ޔާސިރު ޢަބްދުއްލަޠީފް، މަޑުއްވަރީ ދާއިރާގެ މެންބަރު އާދަމް ޝަރީފް، ހިތަދޫ މެދު ދާއިރާގެ މެންބަރު އަޙްމަދު ރަޝީދު، ދަނގެތި ދާއިރާގެ މެންބަރު މުޙައްމަދު ނާޡިމް އަދި ދިއްދޫ ދާއިރާގެ މެންބަރު ޢަބްދުﷲ ވަޙިދުއެވެ.)
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA