ޚުލާސާ

މިބައްދަލުވުމުގައި އެޖެންޑާ ކުރެވިފައިވަނީ މިނިވަންމުއައްސަސާތަކުގެ ކޮމިޓީއަށް ފޮނުއްވާފައިވާ ދިވެހިރާއްޖޭގެ ޤާނޫނީ ފަންނުގެ ބިލު އެ ކޮމިޓީގެ ސަބްކޮމިޓީން ދިރާސާ ކުރެއްވުމަށްފަހު މައިކޮމިޓީއަށް އެ ކޮމިޓީގެ ރިޕޯޓު ހުށަހެޅުމެވެ. މިގޮތުން އެ ބިލުގެ ރިޕޯޓު ކޮމިޓީއަށް ހުށަހަޅުއްވައި ދެއްވީ ސަބްކޮމިޓީގެ މުޤައްރިރު ބާރަށު ދާއިރާގެ މެންބަރު އަޙްމަދު ޢަބްދުﷲ އެވެ. އެއަށްފަހު ކޮމިޓީން ހުޅުވާލެވުނީ ކޮމިޓީގެ މެންބަރުން މިބިލަށް އިތުރަށް އިސްލާޚު ގެންނަން ބޭނުންފުޅުވާނަމަ އެ އިސްލާޚެއް ހުށަހަޅުމަށެވެ. އެހެންނަމަވެސް ކޮމިޓީގައި ހިމެނިވަޑައިގަންނަވާ އެއްވެސް މެންބަރަކު އެ ބިލަށް އިތުރަށް އިސްލާޚު ގެނައުމަށް ހުށަހަޅާފައި ނުވާތީ މުޅިބިލު ، ސަބްކޮމިޓީން އިސްލާޚު ކުރައްވާފައިވާގޮތަށް ފާސްކުރެއްވުމަށް ވޯޓަށް އެއްސެވުމުން ކޮމިޓީގައި އެވަގުތު ހާޟިރުވެވަޑައިގެން ތިއްބެވި މެންބަރުންގެ އިއްތިފާގުން ފާސްވިއެވެ. (7/6 ވޯޓު) އެއަށްފަހު އެޖެންޑާގެ 2 ވަނަ ނަންބަރު ، ނޭޝަނަލް އިސްޓެގްރިޓީ ކޮމިޝަންގެ މެންބަރުކަމަށް ޢައްޔަން ކުރެއްވުމަށް ރައީސުލްޖުމްހޫރިއްޔާ ފޮނުއްވާފައިވާ ނަންފުޅުތައް ދިރާސާކުރެއްވުމަށްޓަކައި އެ ފަރާތްތަކާ އިންޓަވިއުކުރައްވާނެ ގަޑިތަށް ކަނޑައޅުމެވެ. މިގޮތުން 24 ޖޫން 2019 ވަނަ ދުވަހުގެ ހެނދުނު 9:30 ން ފެށިގެން 15 މިނެޓް ގެ ވަގުތުކޮޅެއް ކޮންމެ މީހަކަށް ހޭދަކުރާގޮތަށް ގަލޮޅު ދެކުނު ދާއިރާގެ މެންބަރު މީކާއީލް އަޙްމަދު ނަސީމް ހުށަހަޅައި ބާރަށު ދާއިރާގެ މެންބަރު އަޙްމަދު ޢަބްދުﷲ ތާއިދު ކޮށްފައިވާ މި ހުށަހޅުން ކޮމިޓިގެ އިއްތިފާގުން ފާސްވިއެވެ.

ބައްދަލުވުމުގައި ކުރެވުނު މަސައްކަތްތައް

25 ޖޫން 2019 - ނޭޝަނަލް އިންޓެގްރިޓީ ކޮމިޝަނަށް މެންބަރަކު ޢައްޔަންކުރެއްވުމަށްޓަކައި، ރައީސުލްޖުމްހޫރިއްޔާ ފޮނުއްވާފައިވާ ނަންފުޅުތައް މިނިވަން މުއައްސަސާތަކުގެ ކޮމިޓީން ދިރާސާކުރައްވައި ނިންމެވިގޮތުގެ ރިޕޯޓު

23 ޖޫން 2019 - ދިވެހިރާއްޖޭގެ ޤާނޫނީ ފަންނުގެ ބިލު، މިނިވަން މުއައްސަސާތަކުގެ ކޮމިޓީން ދިރާސާކޮށް ނިންމިގޮތުގެ ރިޕޯޓު