މިއަދުގެ ބައްދަލުވުމުގައި ކުރިއަށް ގެންދެވީ ދިވެހިރާއްޖޭގެ ތަފާސްހިސާބުގެ ބިލު ދިރާސާކުރެއްވުމެވެ. އެ ގޮތުން ބިލުގެ 56 ވަނަ މާއްދާ އިން ފެށިގެން ބިލު އެކީގައި އިސްލާހް ކުރައްވައި ނިންމެވިއެވެ. ބިލުގެ ރިޕޯޓް ފުރިހަމަ ކުރުމަށްފަހު މަޖިލީހުގެ ތަޅުމަށް ފޮނުވުމުގެ ކުރިން ބިލު އިސްލާހްކޮށްފައިވާ ގޮތާއިމެދު އެޓަރނީ ޖެނެރަލް އޮފީސް އަދި ނެޝަނަލަ ބިއުރޯ އޮފް ސްޓެޓިސްޓިކްސްގެ ޚިޔާލު ހޯއްދެވުމަށް ނިންމަވައި، ޚިޔާލު ފޮނުއްވުމުގެ ސުންގަނޑިއެއް ގޮތުގައި 31 މޭ 2021 ވާ ހޯމަ ދުވަސް ކަނޑައެޅުއްވިއެވެ. ދެން މިއަދުގެ ބައްދަލުވުމުގައި ކޮމިޓީއަށް ލިބިފައިވާ މިނިސްޓްރީ އަދި އިދާރާތަކުގެ އަހަރީ ރިޕޯޓްތައް ދިރާސާކުރެއްވުމުގެ މަސައްކަތް ޖޫން މަހުގައި ފެށުމަށް ކޮމިޓީން ނިންމެވިއެވެ.