މިއަދުގެ ބައްދަލުވުމުގައި ދިވެހިރާއްޖޭގެ ފޮރިން ސަރވިސްގެ ބިލު ދިރާސާކުރައްވަން ފެއްޓެވިއެވެ. އެގޮތުން ބިލު ނިންމާނެ ސުންގަޑިއަކީ 23 އޮގަސްޓް 2021 ކަމުގައި ކޮމިޓީގެ އިއްތިފާޤުން ވަނީ ފާސްކުރައްވާފައެވެ. އޭގެ އިތުރުން ބިލުގެ މަސައްކަތް ކުރިއަށް ގެންދާނެ ގޮތަކާމެދު މަޝްވަރާކުރެވުނެވެ. އަދި ބިލާގުޅޭ ގޮތުން އާންމުންގެ ޚިޔާލު ހޯދުމަށް 15 ޖުލައި 2021 ގެ ނިޔަލަށް ހުޅުވާލުމަށް ީ ވަނީ ފާސްވެފައެވެ. މީގެ އިތުރުން އެޓަރނީ ޖެނެރަލްގެ އޮފީސް، ސިވިލް ސަރވިސް ކޮމިޝަން، މިނިސްޓްރީ އޮފް ފިނޭންސް އަދި މިނިސްޓްރީ އޮފް ފޮރިން އެފެއާޒްއަށް ސިޓީ ފޮނުވައި ބިލާ ގުޅޭގޮތުން އެ އިދާރާތަކުގެ ޚިޔާލު ހޯދުމަށް ވަނީ ނިންމަވާފައެވެ.