މިއަދުގެ ބައްދަލުވުމުގައި އެންމެ ފުރަތަމަ، ދިވެހިރާއްޖޭގެ މުވާސަލާތީ ޚިދުމަތްތައް ބެލެހެއްޓުމުގެ ޒިންމާ ޙަވާލުކުރެވިފައިވާ ފަރާތުން، ނުހަނު ދިގު މުއްދަތަކަށް ދިވެހިރާއްޖޭގައި ހަދާފައިވާ ޤާނޫނުތަކަށް ބެލުމެއްނެތި، ޓެލެކޮމް އޮޕަރޭޓަރުންގެ މަންފާއަށް ފަހިވާގޮތަކަށް، ރައްޔިތުންނަށް ނުހަނު ގެއްލުންވަމުންދާ މަގުން، ގިނަގުނަ ކަންތައްތަކެއް ތަރުތީބު ކޮށްފައިވާކަމަށް ފާހަގަކުރައްވައި، އެކަންކަން ނިމުމަކަށް ގެނައުމަށް ގޮވާލައްވައި ހުށަހަޅުއްވާފައިވާ ޤަރާރު އަދި އައި.ސީ.ޓީ ދާއިރާގައި ދިވެހިރާއްޖެ އޮތް ހާލަތު ދެނެގަނެ އެސެސްމަންޓެއް ހެދުމަށް އެދި ހުށަހަޅުއްވާފައިވާ މައްސަލައިގެ ސުންގަޑި ހަމަވެފައިވާތީ، 30 އޮގަސްޓު 2021 ގެ ނިޔަލަށް ސުންގަޑި އިތުރުކުރެއްވިއެވެ. އެއަށްފަހު ކޮމިއުނިކޭޝަންސް އޮތޯރިޓީ އޮފް މޯލްޑިވްސް އާ 17 އޮގަސްޓް 2021 ވާ އަންގާރަ ދުވަހު ބައްދަލުކުރެއްވުމަށް ނިންމެވިއެވެ.