މިއަދުގެ ބައްދަލުވުމުގައި ޤާނޫނު ނަންބަރު 2008/6 (ޢާންމު ގަވާއިދުތަކާބެހޭ ޤާނޫނު) ގެ ޖަދުވަލު 1 އަދި 2 ގައި ހިމެނޭ ގަވާއިދުތަކާ ގުޅޭގޮތުން ހަދަންޖެހޭ ބިލުތަކުގެ މަސައްކަތްތައް ކުރިއަށްދާގޮތާ ގުޅޭގޮތުން މަޝްވަރާކުރެއްވިއެވެ. މިގޮތުން ކޮމިޓީތަކުގައި ހުރި ބިލުތަކުގެ މަސައްކަތް އަވަސްކޮށްދެއްވުން އެދި އެ ކޮމިޓީތަކަށް ސިޓީ ފޮނުއްވަން ނިންމެވިއެވެ. އަދި ޤާނޫނު ނަންބަރު 2008/6 (ޢާންމު ގަވާއިދުތަކާބެހޭ ޤާނޫނު) ގެ ޖަދުވަލު 1 އަދި 2 ގައި ހިމެނޭ ގަވާއިދުތަކާ ގުޅޭގޮތުން އެކުލަވާލަންޖެހެނީ 5 ބިލުކަމަށް އެޓަރނީ ޖެނެރަލްގެ އޮފީހުން ބަޔާންކުރައްވާފައިވާތީ، އެ ބިލުތަކުގެ މަސައްކަތް ގޮސްފައިވާ ހިސާބާއި ބިލުތައް ނިންމޭނެކަމަށް ލަފާކުރެވޭ ތާރީޚެއް ސާފުކުރެއްވުމަށް އެޓަރނީ ޖެނެރަލްގެ އޮފީހަށް ސިޓީ ފޮނުއްވަން ނިންމެވިއެވެ.