މިއަދުގެ ބައްދަލުވުމުގައި ކުރިއަށް ގެންދެވީ މިނިސްޓަރ އޮފް ފިޝަރީޒް، މެރިން ރިސޯސަސް އެންޑް އެގްރިކަލްޗަރގެ އިތުބާރު ނެތްކަމުގެ މައްސަލާގައި ޢަމަމަލުކުރާނެ ގޮތުގެ މަޝްވަރާއަކަށްއެދި ފޮނުއްވާފައިވާ މައްސަލަ ދިރާސާކުރުމެވެ. އެގޮތުން މި މައްސަލައާމެދު މަޝްވަރާ ކުރެއްވުމަށްފަހު އިތުރަށް މި މައްސަލަ ދިރާސާކުރެއްވުމަށް ކޮމިޓީން ނިންމެވިއެވެ. އެއަށްފަހު ކުރިއަށް ގެންދެވީ ރައްޔިތުންގެ މަޖިލީހުގެ މެންބަރުންނަށް ކަނޑައަޅާފައިވާ ވޯކިން ސްޓޭޝަންތަކުގަޔާއި ސައި މާލަމް އަދި ކޮމިޓީ ކޮޓަރިތަކުގައި ހުންނަ ޓީވީއިން މެންބަރުން މަޖިލީހުގެ ފްލޯގައި ވާހަކަ ދައްކަވަންޖެހޭ ތަރުތީބު އެގޭނެ އިންތިޒާމް ހަމަޖެއްސައި ދެއްވުންއެދި ހުށަހަޅުއްވާފައިވާ މައްސަލައާ ގުޅޭގޮތުން މަޖިލީހުގެ އިދާރާގެ އިސްވެރިންނާ ބައްދަލުކުރުމެވެ.
© 2024 ރައްޔިތުންގެ މަޖިލިސްގެ އިދާރާA