މިއަދުގެ ބައްދަލުވުމުގައި ކޮމިޓީގައި ހުރި މަސައްކަތްތަކާ ގުޅޭގޮތުން މެންބަރުން މަޝްވަރާކުރެއްވެވިއެވެ. އެގޮތުން ރައްޔިތުންގެ މަޖިލީހުގެ ޗުއްޓީތައް ބެހިގެންވަނީ ދިރާސީ އަހަރުގެ ޗުއްޓީތަކާ ދިމާކޮށް ކަމަށާއި މިހާރު ދިރާސީ އަހަރުގެ ޗުއްޓީތައް ބަދަލުވެފައިވާތީ، މަޖިލީހުގެ ޗުއްޓީ ވެސް ދިރާސީ އަހަރުގެ ޗުއްޓީއާ އެއްގޮތްކޮށް ރައްޔިތުންގެ މަޖިލީހުގެ ގަވާއިދުގެ 24 ވަނަ މާއްދާގެ (ހ) ގެ (2) އަދި (3) ވަނަ ނަންބަރު އިޞްލާހުކޮށްދެއްވުމަށްއެދި ފުވައްމުލަކު ދެކުނު ދާއިރާގެ މެންބަރު މުޙައްމަދު މުމްތާޒް ހުށަހެޅުއްވެވިއެވެ. މި ހުށަހެޅުއްވުން ކޮމިޓީގައި އެވަގުތު ހާޒިރުވެވަޑައިގެން ތިއްބެވި މެންބަރުންގެ އިއްތިފާޤުން މި ހުށަހެޅުއްވުން ފާސްވެގެން ދިޔައެވެ.