މި ބައްދަލުވުމުގައި ފުރަތަމަ ކުރިއަށް ގެންދެވީ ރައްޔިތުންގެ މަޖިލީހުގެ 13 ބުރީގެ ޢިމާރާތުގައި ރެސްޓޯރަންޓް/ކެފޭއެއް ހިންގުމަށް ބީލަން ހުށަހަޅުއްވާފައިވާ ފަރާތުގެ ބީލަން ދިރާސާކޮށް، ރައްޔިތުންގެ މަޖިލީހުގެ އިދާރާގެ ރެކްރިއޭޝަން ކްލަބްއިން ނިންމަވާފައިވާ ގޮތާމެދު ކޮމިޓީގެ ލަފައެއް ހޯއްދެވުމަށްއެދި ފޮނުއްވާފައިވާ މައްސަލަ ދިރާސާކުރުމެވެ. އެގޮތުން، މި މައްސަލައާމެދު ކޮމިޓީގެ މެންބަރުން މަޝްވަރާކުރެއްވުމަށްފަހު ނިންމެވީ، ރައްޔިތުންގެ މަޖިލީހުގެ އިދާރާގެ ރެކްރިއޭޝަން ކްލަބްއިން ނިންމަވާފައިވާ ގޮތުގައި މައްސަލައެއް ނެތްކަމުގައެވެ. އެއަށްފަހު، 2021 ވަނަ އަހަރަށް ފާސްކޮށްފައިވާ ރައްޔިތުންގެ މަޖިލީހުގެ އިދާރާގެ ބަޖެޓުގައި ހިމެނޭ ހުސް މަޤާމުތަކުގެ ތެރެއިން ބައެއް މަޤާމްތައް މި ވަގުތަށް ރައްޔިތުންގެ މަޖިލީހަށް ބޭނުންނުވާތީ، އެ މަޤާމުތަކުގެ ބަދަލުގައި ރައްޔިތުންގެ މަޖިލީހުގެ އިދާރާއަށް މި ވަގުތަށް ބޭނުންވާ 3 މަޤާމެއް އުފުއްދުމަށް ހުއްދައަށްއެދި ފޮނުއްވާފައިވާ ސިޓީ ދިރާސާކުރެއްވެވިއެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA