މިއަދުގެ ބައްދަލުވުމުގައި ޤާނޫނު ނަންބަރު 2008/6 (ޢާންމު ގަވާއިދުތަކާބެހޭ ޤާނޫނު) ގެ ޖަދުވަލު 1 އަދި 2 ގައި ހިމެނޭ ގަވާއިދުތަކާ ގުޅިގެން އެކުލަވާލަންޖެހޭ ބިލުތަކާ ގުޅޭގޮތުން އެޓަރނީ ޖެނެރަލްގެ އޮފީހުން ފޮނުއްވާފައިވާ ސިޓީއާ ގުޅޭގޮތުން މެންބަރުން މަޝްވަރާކުރެއްވިއެވެ. މިގޮތުން މިހާރު މަޖިލީހުގެ އެކިއެކި ކޮމިޓީތަކުން ދިރާސާކުރައްވަމުންދާ ބިލުތަކުގެ މަސައްކަތް ކުރިއަށްދާގޮތާއި ބިލުތަކުގެ މަސައްކަތް ނިންމެވޭނެ ތާރީޚެއް ސާފުކުރެއްވުމަށްފަހު، ޤާނޫނު ނަންބަރު 2008/6 (ޢާންމު ގަވާއިދުތަކާބެހޭ ޤާނޫނު) ގެ ޖަދުވަލު 1 އަދި 2 ގައި ހިމެނޭ ގަވާއިދުތަކަށް ޢަމަލުކުރުމުގެ މުއްދަތު ކަނޑައެޅުއްވުމަށް ނިންމެވިއެވެ.