މިބައްދަލުވުމުގައި މިނިވަން މުއައްސަސާތަކުގެ އޮޑިޓް ރިޕޯޓްތަކުގެ މަސައްކަތް ކުރިއަށް ގެންދެވިއެވެ. އެގޮތުން އެންޓި-ކޮރަޕްޝަން ކޮމިޝަނުގެ 2014 ވަނަ އަހަރުގެ އޮޑިޓް ރިޕޯޓާމެދު މަޝްވަރާ ކުރެއްވުމަށްފަހު ކޮމިޓީގައި އެވަގުތު ހާޒިރުވެވަޑައިގެން ވޯޓުގައި ބައިވެރިވެ ވަޑައިގެންނެވި 10 މެންބަރުންގެ ޢިއްތިފާޤުން ނިންމެވީ، އެ ކޮމިޝަނުން ކޭޝް އަކައުންޓިންގެ އުޞޫލުތަކާ ޚިލާފުވެފައި ވީނަމަވެސް، އެ އޮޑިޓް ރިޕޯޓްތަކުގައި މާލީ އަހަރުގެ ޚަރަދުތައް ކޮށްފައިވަނީ، ޤާނޫނު ނަންބަރު 2006/3 (ދައުލަތުގެ މާލިއްޔަތު ޤާނޫނު) އާއި ދައުލަތުގެ މާލިއްޔަތު ގަވާއިދާއި އެއްގޮތަށްކަމަށް އޮޑިޓަރ ޖެނެރަލް ފާހަގަކުރައްވާފައިވުމާއެކު، ކޮމިޓީއިން މަޖިލީހުގެ ސަމާލުކަމަށް ގެންނަންޖެހޭ ވަރުގެ މައްސަލައެއް ނެތްކަމަށް ނިންމަވައި ކޮމިޓީގެ ރިޕޯޓް މަޖިލީހުގެ ތަޅުމަށް ފޮނުއްވުމަށެވެ. އެއަށްފަހު، މޯލްޑިވްސް އިންލަންޑް ރެވެނިއު އޮތޯރިޓީގެ 2014 ވަނަ އަހަރުގެ އޮޑިޓް ރިޕޯޓާމެދު މަޝްވަރާ ކުރެއްވުމަށްފަހު ކޮމިޓީގައި އެވަގުތު ހާޒިރުވެވަޑައިގެން ވޯޓުގައި ބައިވެރިވެ ވަޑައިގެން މެންބަރުންގެ ޢިއްތިފާޤުން ނިންމެވީ، މޯލްޑިވްސް އިންލަންޑް ރެވެނިއު އޮތޯރިޓީގެ ހަރުމުދަލުގެ ރަޖިސްޓަރީގެ މައްސަލަ ފިޔަވައި، އެއޮތޯރިޓީގެ މާލީ އަހަރުގެ ޚަރަދުތައް ކޮށްފައިވަނީ، ޤާނޫނު ނަންބަރު 2006/3 (ދައުލަތުގެ މާލިއްޔަތު ޤާނޫނު) އާއި ދައުލަތުގެ މާލިއްޔަތު ގަވާއިދާއި އެއްގޮތަށްކަމަށް އޮޑިޓަރ ޖެނެރަލް ފާހަގަކުރައްވާފައިވުމާއި، މޯލްޑިވްސް އިންލަންޑް ރެވެނިއު އޮތޯރިޓީގެ 2015، 2016 ، 2017 އަދި 2018 ވަނަ އަހަރުގެ އޮޑިޓް ރިޕޯޓްގައި އެއްވެސް މައްސަލެއެއް އޮޑިޓަރ ޖެނެރަލް ފާހަގަކުރައްވާފައި ނުވާކަމުން، ކޮމިޓީއިން މަޖިލީހުގެ ސަމާލުކަމަށް ގެންނަންޖެހޭ ވަރުގެ މައްސަލައެއް ނެތްކަމަށް ނިންމަވައި ކޮމިޓީގެ ރިޕޯޓް މަޖިލީހުގެ ތަޅުމަށް ފޮނުއްވުމަށެވެ. މީގެއިތުރުން، މޯލްޑިވްސް މީޑިއާ ކައުންސިލްގެ 2013 ވަނަ އަހަރުގެ އޮޑިޓް ރިޕޯޓާމެދު މަޝްވަރާ ކުރެއްވުމަށްފަހު ކޮމިޓީގައި އެވަގުތު ހާޒިރުވެވަޑައިގެން ވޯޓުގައި ބައިވެރިވެ ވަޑައިގެންނެވި 10 މެންބަރުންގެ ޢިއްތިފާޤުން ނިންމެވީ މޯލްޑިވްސް މީޑިއާ ކައުންސިލްގެ 2014، 2015، 2016 އަދި 2017 ވަނަ އަހަރުގެ ޚަރަދުތައް ކޮށްފައިވަނީ، ޤާނޫނު ނަންބަރު 2006/3 (ދައުލަތުގެ މާލިއްޔަތު ޤާނޫނު) އާއި ދައުލަތުގެ މާލިއްޔަތު ގަވާއިދާއި އެއްގޮތަށްކަމަށް އޮޑިޓަރ ޖެނެރަލް ފާހަގަކުރައްވާފައިވުމާއި، އަދި 2013 ވަނަ އަހަރު އޮޑިޓަރ ޖެނެރަލް ފާހަގަކުރައްވާފައިވާ ކައުންސިލް މެންބަރުންނަށް ދީފައިވާ ލިވިންގ އެލަވަންސް ފައިސާ އަނބުރާ ހޯދާފައި ނުވުމުގެ މައްސަލަކީ މިހާރު ޕްރޮސެކިއުޓަރ ޖެނަރަލް އޮފީހަށް ހުށަހަޅައިގެން ބަލަމުން ގެންދާ މައްސަލައެއްކަމަށެވެ. އަދި މިއްސަލަ ޕްރޮސެކިއުޓަރ ޖެނަރަލް އޮފީހުން ދައުވާކުރުމަށް ފޮނުއްވުމަށްފަހު، މި މައްސަލާގައި ނިންމެވި ގޮތުގެ ރިޕޯޓް މާލިއްޔަތު ކޮމިޓީއަށް ފޮނުއްވުމަށް ނިންމަވައި ކޮމިޓީގެ ރިޕޯޓް މަޖިލީހުގެ ތަޅުމަށް ފޮނުއްވުމަށެވެ. ވަޒީފާއާބެހޭ ޓްރައިބިއުނަލްގެ 2016 ވަނަ އަހަރުގެ އޮޑިޓް ރިޕޯޓާމެދު މަޝްވަރާ ކުރެއްވުމަށްފަހު ކޮމިޓީގައި އެވަގުތު ހާޒިރުވެވަޑައިގެން ވޯޓުގައި ބައިވެރިވެ ވަޑައިގެންނެވި 10 މެންބަރުންގެ ޢިއްތިފާޤުން ނިންމެވީ، ވަޒީފާއާބެހޭ ޓްރައިބިއުނަލްގެ ހަރުމުދަލުގެ ރަޖިސްޓަރީގެ މައްސަލަފިޔަވައި، ޓްރައިބިއުނަލްގެ މާލީ އަހަރުގެ ޚަރަދުތައް ކޮށްފައިވަނީ، ޤާނޫނު ނަންބަރު 2006/3 (ދައުލަތުގެ މާލިއްޔަތު ޤާނޫނު) އާއި ދައުލަތުގެ މާލިއްޔަތު ގަވާއިދާއި އެއްގޮތަށްކަމަށް އޮޑިޓަރ ޖެނެރަލް ފާހަގަކުރައްވާފައިވުމާއި، ވަޒީފާއާބެހޭ ޓްރައިބިއުނަލްގެ 2017 ވަނަ އަހަރުގެ އޮޑިޓް ރިޕޯޓްގައި އެއްވެސް މައްސަލެއެއް އޮޑިޓަރ ޖެނެރަލް ފާހަގަކުރައްވާފައި ނުވާކަމުން، ކޮމެޓީއިން މަޖިލީހުގެ ސަމާލުކަމަށް ގެންނަންޖެހޭ އިތުރު މައްސަލައެއް ނެތްކަމަށެވެ. ސިވިލް ސަރވިސް ކޮމިޝަން، ހިއުމަން ރައިޓްސް ކޮމިޝަން އަދި ޕްރޮސިކިއުޓަރ ޖެނެރަލްގެ އޮފީހުގެ އޮޑިޓް ރިޕޯޓްތަކާމެދު މަޝްވަރާކުރެއްވުމަށްފަހު ނިންމެވީ، އޮޑިޓް ރިޕޯޓްތަކާ ގުޅޭގޮތުން އޮޑިޓަރ ޖެނެރަލްގެ އޮފީހުގެ ބޭފުޅުންނާއެކު މަޝްވަރާކުރެއްވުމަށްފަހު ރިޕޯޓްތަކުގެ މަސައްކަތް ކުރިއަށް ގެންދެވުމަށެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA