މިއަދުގެ ބައްދަލުވުމުގައި މޯލްޑިވްސް ސްޓޭޓް ޝިޕިންގ ކޮމްޕެނީ ޕްރައިވެޓް ލިމިޓެޑުން އިންޑިއާގެ ކޮޗިންއާއި ރާއްޖޭގެ ރަށްތަކާއި ދެމެދު ކުރައްވަމުން ގެންދަވާ ފެރީ ދަތުރުތަކަކީ އޭގެ ސަބަބުން ދިވެހި ވިޔަފާރިވެރިން އަދި ޢާންމު ރައްޔިތުންނަށް އެތަކެއް ފައިދާތަކެއް ލިބެމުން އަންނަ ކަމެއްކަމަށާއި ނަމަވެސް، މޯލްޑިވްސް ޕޯޓްސް ލިމިޓެޑުން ނަންގަވަމުން ގެންދަވާ ބަނދަރު ފީ ބޮޑު ކޮށްފައިވުމުން، ދިވެހި ވިޔަފާރިވެރިން އަދި ޢާންމުންނަށް ލިބެމުން އައި ފައިދާތަކަށް ނޭދެވޭ އަސަރު ފޯރާފައިވާކަމުގެ ޝަކުވާ ލިބެމުންދާ މައްސަލައާ ގުޅޭ ގޮތުން މޯލްޑިވްސް ޕޯޓްސް ލިމިޓެޑުން ފޮނުއްވާފައިވާ މަޢުލޫމާތު ދިރާސާކުރެއްވިއެވެ. އެ މައްސަލައަށް ޙައްލެއް ގެނައުމަށްޓަކައި އެ ކުންފުނިން އައްޑޫ ސިޓީ، ކުޅުދުއްފުށި ސިޓީ، ހުޅުމާލެ އަދި މާލޭގެ ބަނދަރުން ފާއިތުވި 5 އަހަރު (2016 އިން 2021އަށް) ނަންގަވާފައިވާ ހުރިހާ ފީ އަދި ޗާޖްސްތަކާއި (ޕައިލޮޓޭޖް އަގުތަކާއި އެހެނިހެން ހުރިހާ އަގުތަކެއް ހިމެނޭގޮތަށް)، އަދި އެ ފީ އަދި ޗާޖްސްތަކަށް އައިސްފައިވާ ބަދަލުތަކުގެ ތަފްޞީލް ހޯއްދެވުމަށް ނިންމެވިއެވެ.