މިއަދުގެ ބައްދަލުވުމުގައި ސަރުކާރު ޙިއްޞާވާ ކުންފުނިތަކުގެ މުވައްޒަފުންނަށް ބޯހިޔާވެހިކަން ފޯރުކޮށްދިނުމަށް އެ ކުންފުނިތަކުން ކުރިއަށްގެންދާ މަޝްރޫޢާ ގުޅޭގޮތުން މަޢުލޫމާތު ސާފުކުރެއްވުމަށް މާލެ ވޯޓަރ އެންޑް ސުވަރޭޖް ކޮމްޕެނީ ލިމިޓެޑާއި އަދި ސްޓޭޓް އިލެކްޓްރިކް ކޮމްޕެނީ ލިމިޓެޑުގެ ބޭފުޅުންނާ ބައްދަލުކުރެއްވިއެވެ. އެގޮތުން އެ މަޝްރޫޢުގެ މަސައްކަތް މިހާރު ކުރިއަށް ގޮސްފައިވާ މިންވަރާއި، މަސައްކަތް ނުނިމި ލަސްވާ ސަބަބާއި އަދި އަޅަމުންދާ ފްލެޓްތަކުގެ ޢަދަދުތަކާއި ސައިޒާއި އެ ފްލެޓްތައް ދިނުމަށް އެ ކުންފުނިތަކުން ކަނޑައަޅާފައިވާ އުސޫލުތަކުގެ މަޢުލޫމާތު މެންބަރުންނަށް ޙިއްޞާކުރެއްވިއެވެ.