މިއަދުގެ ބައްދަލުވުމުގައި، ޤާނޫނު ނަންބަރު 2014/9 (ދިވެހިރާއްޖޭގެ ޤާނޫނުލްއުޤޫބާތު) އަށް އިޞްލާޙު ގެނައުމުގެ ދެ ބިލަށް، މިނިސްޓްރީ އޮފް އިސްލާމިކް އެފެއާޒްއާއެކު މަޝްވަރާކުރުމަށްފަހު، އެޓަރނީ ޖެނެރަލް އޮފީހުން ފޮނުއްވާފައިވާ އިޞްލާޙުތައް ދިރާސާކޮށް، ބިލުގެ ވަކި ވަކި މާއްދާއިން ބައްލަވާ ކޮމިޓީއަށް ވަޑައިގެންނެވި މެންބަރުންގެ އަޣްލަބިއްޔަތުން ބިލު ފާސްކުރެއްވިއެވެ. (ފެނިވަޑައިގަންނަވާކަމަށް ވޯޓުދެއްވި މެންބަރުން: ފޮނަދޫ ދާއިރާގެ މެންބަރު މޫސާ ސިރާޖު، ހެންވޭރު އުތުރު ދާއިރާގެ މެންބަރު އިބްރާހީމް މުޢިއްޒު، ފޭދޫ ދާއިރާގެ މެންބަރު މުޙައްމަދު ނިހާދު، ކަނޑިތީމު ދާއިރާގެ މެންބަރު ޢަބްދުﷲ ޝަހީމް ޢަބްދުލްޙަކީމް، މަތިވެރި ދާއިރާގެ މެންބަރު ޙަސަން ޒަރީރު) (ކެންދޫ ދާއިރާގެ މެންބަރު އަލީ ޙުސައިން ވަކިގޮތަކަށް ވޯޓުނުދެއްވާ)