މިއަދުގެ ބައްދަލުވުމުގައި މޯލްޑިވްސް ސްޓޭޓް ޝިޕިންގ ކޮމްޕެނީއިން އިންޑިއާގެ ޓުޓިކޮރިންއާ އައްޑޫއާ ދެމެދު ކުރަމުންދާ ފެރީ ދަތުރުތަކުގެ އަގު ބޮޑުވެފައިވާކަމަށް ބަޔާންކޮށް ހުށަހަޅާފައިވާ މައްސަލައިގެ ރިޕޯޓް ހުށަހެޅުންތަކާއެކު ފާސްކުރެއްވިއެވެ. އެއަށްފަހު، ސަރުކާރު ޙިއްޞާވާ ކުންފުނިތަކުގެ މުވައްޒަފުންނަށް ބޯހިޔާވެހިކަން ފޯރުކޮށްދިނުމަށް އެ ކުންފުނިތަކުން އަޅަމުންދާ ފްލެޓްތަކާ ގުޅޭ މައްސަލައިގެ ރިޕޯޓާ ގުޅޭގޮތުން މެންބަރުން މަޝްވަރާކުރެއްވިއެވެ. އަދި މި ރިޕޯޓް ކިޔާލަން މެންބަރުންގެ އިތުރު ވަގުތު ބޭނުންފުޅުވާތީ، ދެން އޮންނަ ބައްދަލުވުމުގައި އެ ރިޕޯޓުގެ މަސައްކަތް ކުރިއއަށްގެންދިއުމަށް ނިންމެވިއެވެ.