މިބައްދަލުވުމުގައި ކުރިއަށް ގެންދެވީ ޕްރޮޖެކްޓްތަކުގެ އޮޑިޓް ރިޕޯޓްތަކާ ގުޅޭގޮތުން އޮޑިޓަރ ޖެނެރަލްގެ އޮފީހުގެ ބޭފުޅުންނާ ބައްދަލުކުރެއްވުމުގެ މަސައްކަތެވެ. މިގޮތުން ތާވަލުގައިވާ ފުރަތަމަ ރިޕޯޓު (ކްލީން އެނާރޖީ ފޯ ކްލައިމެޓް މިޓިގޭޝަން ޕްރޮޖެކްޓްގެ 2014 ވަނަ އަހަރުގެ އޮޑިޓް ރިޕޯޓް FIN-2015-31(E)) އަދި ދެވަނަ ރިޕޯޓު (އަރި އަތޮޅު ސޮލިޑް ވޭސްޓް މެނޭޖްމަންޓް ޕްރޮޖެކްޓްގެ 2014 ވަނަ އަހަރުގެ އޮޑިޓް ރިޕޯޓް FIN-2015-33(E)) ގައި އޮޑިޓަރ ޖެނެރަލް ފާހަގަކުރައްވާފައިވާ ކަންތައްތަކާ ގުޅޭގޮތުން ކޮމިޓީގެ މެންބަރުން ސާފުކުރައްވަން ބޭނުންފުޅު ކަންކަން ސާފުކުރެއްވުމަށްފަހު، މި ރިޕޯޓުގައި މައްސަލައެއް ނެތް ކަމަށާއި، މިރިޕޯޓުގެ ކޮމިޓީ މަސައްކަތް ނިމުނީ ކަމަށް، ކޮމިޓީއަށް ވަޑައިގެން ތިއްބެވި މެންބަރުންގެ އަޣުލަބިއްޔަތުން ފާސްކުރެއްވިއެވެ.