މިއަދުގެ ބައްދަލުވުމުގައި އެޖެންޑާ ކުރެވިފައިވަނީ ސިފައިންގެ ކޯޕެރޭޓިވް ސޮސައިޓީ (ސިފްކޯ) އަދި ޕޮލިސް ކޯޕަރޭޓިވް ސޮސައިޓީ (ޕޮލްކޯ) މެދުވެރިވެގެން ސިފައިންނާއި ފުލުހުންނަށް ޚާއްޞަކޮށްގެން ސިފައިންނާއި ފުލުހުންގެ ޢާއިލާތަކަށް ބޯހިޔާވަހިކަން ފޯރުކޮށްދިނުމުގެ ބޭނުމުގައި ހުޅުމާލޭގައި އަޅަމުން ގެންދާ 600 ފްލެޓްގެ ޕްރޮޖެކްޓާ ގުޅިގެން ކަމާގުޅޭ އިދާރާއަކުން ނުވަތަ ފަރާތަކުން އިހުމާލެއްވެފައިވާނަމަ، އެކަމެއް ބައްލަވައި ދެއްވައި، އިޞްލާޙުކުރަންޖެހޭ ކަމެއް އޮތްނަމަ، އެ ކަމެއް އިޞްލާޙުކޮށްދެއްވުމަށް ކަމާގުޅޭ އިދާރާތަކަށް އަންގަވައި، މި ޕްރޮޖެކްޓް އަވަސް ފުރުޞަތެއްގެ ތެރޭގައި ނިންމޭކަން ކަށަވަރު ކުރުމަށް މަޖިލީހުން ކުރަންޖެހޭ ކަމެއް އޮތްނަމަ، އެކަމެއް ކުރުމަށް އެދި ދާންދޫ ދާއިރާގެ މެންބަރު ޔައުޤޫބް ޢަބްދުﷲ ހުށަހަޅާފައިވާ މައްސަލައާ ގުޅޭ ގޮތުން ޕޮލިސް ކޯޕަރޭޓިވް ސޮސައިޓީގެ ބޭފުޅުންނާ ބައްދަލުކުރުމެވެ. އެގޮތުން މިކަމާ ގުޅޭ މަޢުލޫމާތުގެ ސިއްރު ހިފަހައްޓައިދެއްވުމަށް ޕޮލްކޯއިން އެދިވަޑައިގެންފައިވާތީ މި ބައްދަލުވުން ސިއްރު ކުރެއްވުމަށް ކޮމިޓީން ނިންމެވިއެވެ.