މިއަދުގެ ބައްދަލުވުމުގައި، ޤާނޫނު ނަންބަރު 2008/6 (ޢާންމު ގަވާއިދުތަކާބެހޭ ޤާނޫނު) ގެ ޖަދުވަލު 1 ގައި ހިމަނާފައިވާ "ހުޅުމާލޭ ޕްލޭނިންގ އަދި ޢިމާރާތްކުރުމުގެ ގަވާއިދު" ކޮމިޓީން އިޞްލާޙުކުރެއްވުމަށް މިނިސްޓްރީއަށް ފޮނުވާފައިވީއިރުވެސް، އަދިވެސް އެ ގަވާއިދު ގެޒެޓްނުކުރެވިވާ މައްސަލައާ ގުޅޭގޮތުން މަޝްވަރާކުރެއްވިއެވެ. އެއަށްފަހު އެ ގަވާއިދު މިހާތަނަށްވެސް ގެޒެޓްކުރައްވާފައިނުވާތީ މިކަމާމެދު ޢަމަލުކުރާނެ ގޮތާއި އަދި 19 މެއި 2021 ގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރ އިން ފޮނުއްވާފައިވާ ސިޓީގައި ފާހަގަކުރައްވާފައިވާ ފަދައިން، ހުޅުމާލޭ ޕްލޭނިންގ ގަވާއިދު، މާލޭ ޕްލޭނިންގ ގަވާއިދުގެ ބަޔަކަށް ހެދުމާމެދު ކައުންސެލް ޖެނެރަލްގެ ލަފައެއް ހޯއްދެވުމަށް ނިންމެވިއެވެ.