ޚުލާސާ

މިއަދުގެ ބައްދަލުވުމުގައި މޯލްޑިވްސް ގޭސްއާ ގުޅޭގޮތުން ކޮމިޓީއަށް ހުށަހެޅިފައިވާ މައްސަލައިގައި މެންބަރުން މަޝްވަރާކުރެއްވިއެވެ. މިގޮތުން ކޮމިޓީން ނިންމެވީ ގޭހުގެ އަގުތަކަށް އައިސްފައިވާ ބަދަލުތަކުގެ އެންމެފަހުގެ މަޢުލޫމާތު ހިމެނޭ ލިސްޓެއް ހޯއްދެވުމަށްފަހު މި މައްސަލައާ ގުޅޭގޮތުން ގޮތެއް ނިންމެވުމަށެވެ. މީގެ އިތުރުން އައިލެންޑް އޭވިއޭޝަން ސަރވިސްގެ ޚާއްސަ ރިވިއު ރިޕޯޓާ ގުޅޭގޮތުން މަޢުލޫމާތު ސާފުކުރެއްވުމަށް އޮޑިޓަރ ޖެނެރަލްގެ އޮފީހުގެ ބޭފުޅުންނާ ބައްދަލުކުރެއްވުމަށް ނިންމެވިއެވެ. އެއަށްފަހު ގަން އިންޓަރނޭޝަނަލް އެއަރޕޯޓްގެ ޙާލަތު ބެއްލެވުމަށް ކޮމިޓީގެ މެންބަރުން ކުރައްވަން ހަމަޖެހިފައިވާ ދަތުރުގެ ކަންތައްތަކާ ގުޅޭގޮތުން މަޝްވަރާކުރެއްވިއެވެ. އަދި 13 ފެބުރުވަރީ ވާ ބުރާސްފަތި ދުވަހު އައްޑޫއަށް ޒިޔާރަތްކުރެއްވުމަށް ނިންމެވިއެވެ.

ބައްދަލުވުމުގައި ކުރެވުނު މަސައްކަތްތައް

11 ފެބްރުއަރީ 2020 - އައްޑޫ އިންޓަރނޭޝަނަލް އެއަރޕޯޓްގެ ޙާލަތު ބެއްލެވުމަށް ކޮމިޓީގެ މެންބަރުން އައްޑޫއަށް ކުރައްވަން ހަމަޖެހިފައިވާ ދަތުރާ ގުޅޭގޮތުން ގޮތެއް ނިންމެވުން

20 އޯގަސްޓު 2019 - މޯލްޑިވްސް ގޭސް ޕްރައިވެޓް ލިމިޓެޑްއިން ރާއްޖެއިން ބޭރުން ގޭސްގަތުމުގައި، ކޮރަޕްޝަންއަށް މަގުފަހިވާގޮތަށް ކަންތައްތަކެއް ހިންގާކަމަށް ތުޙުމަތު ކުރެވޭ މައްސަލަ

19 ޖޫން 2019 - 1 ޖަނަވަރީ 2019 އިން ފެށިގެން، އައިލެންޑް އޭވިއޭޝަންގެ ޑިޕާޓްމަންޓްތަކުގެ ވެރިންގެ މުސާރަ ބޮޑުކޮށްފައިވާކަމުގެ މަޢުލޫމާތު ލިބިފައިވާތީ، އެ މައްސަލަ ބެލުމަށް އެދި