މިއަދުގެ ބައްދަލުވުމުގައި، ޤާނޫނު ނަންބަރު 2008/6 (ޢާންމު ގަވާއިދުތަކާބެހޭ ޤާނޫނު) ގެ ޖަދުވަލު 1 ގައި ހިމަނާފައިވާ "ހުޅުމާލޭ ޕްލޭނިންގ އަދި ޢިމާރާތްކުރުމުގެ ގަވާއިދު" ކޮމިޓީން އިޞްލާޙުކުރެއްވުމަށް މިނިސްޓްރީއަށް ފޮނުވާފައިވީއިރުވެސް، އަދިވެސް އެ ގަވާއިދު ގެޒެޓްނުކުރެވިވާ މައްސަލައާ ގުޅޭގޮތުން މަޝްވަރާކުރެއްވިއެވެ. އެގޮތުން ދެ ގަވާއިދު އެއްކޮށްލުމާގުޅޭގޮތުން ކައުންސެލް ޖެނެރަލް އަދި ކަމާގުޅޭ އިދާރާތަކުން އަދިވެސް ޖަވާބުލިބިފައިނުވާތީ، އެ ސިޓީތަކުގެ ޖަވާބު ލިބުމުން އިތުރަށް މި މައްސަލައާ ގުޅޭގޮތުން މަޝްވަރާކުރެއްވުމަށް ކޮމިޓީން ނިންމިއެވެ.