މިބައްދަލުވުމުގައި ކޮމިޓީގެ ވަރކިންގ ކޯރަމް އަކީ 3 މެންބަރުން ކަމުގައި އަދި ވޯޓިންގ ކޯރަމް އަކީ 4 މެންބަރުން ކަމުގައި ފާސްކޮށްފައިވެއެވެ. އަދި މާލިއްޔަތު ކޮމިޓީއަށް ހުށަހެޅިފައިވާ ބިލުތަކުގެ ސުންގަޑި ތިރީގައިވާ ފަދައިން ކަނޑައެޅުމަށް، މަރަދޫ ދާއިރާގެ މެންބަރު އިބްރާހީމް ޝަރީފް ހުށަހަޅުއްވައި ކުޅުދުއްފުށި އުތުރު ދާއިރާގެ މެންބަރު ޔާސިރު ޢަބްދުއްލަޠީފް ތާޢީދުކުރައްވައި ކޮމިޓީގެ ޢިއްތިފާޤުން ވަނީ ފާސްވެފައެވެ. • ޕޭމަންޓު ސިސްޓަމާއި ޕޭމަންޓު ޚިދުމަތްތަކުގެ ބިލު ސުންގަޑި: 28 ފެބްރުވަރީ 2021 • ޤާނޫނު ނަންބަރު 6/81 (މޯލްޑިވްސް މަނިޓަރީ އޮތޯރިޓީގެ ޤާނޫނު) އަށް އިސްލާޙް ގެނައުމުގެ ބިލު ސުންގަޑި: 23 ނޮވެންބަރު 2020 • ޤާނޫނު ނަންބަރު 2/2006 (ދިވެހިރާއްޖޭގެ މާލީ ސެކިއުރިޓީޒްއާބެހޭ ޤާނޫނު) އަށް އިސްލާޙް ގެނައުމުގެ ބިލުގެ ސުންގަޑި: 16 ނޮވެންބަރު 2020