މިނިވަން ނޫހުގެ ރިޕޯޓަރ މ. ޝައިނިންގސްޓަރ، އަޙުމަދު ރިޟުވާން ޢަބްދުﷲ 08 އޯގަސްޓް 2014 ވަނަ ދުވަހުން ފެށިގެން ގެއްލިފައިވާ މައްސަލަ ތަޙްޤީޤުކުރުމަށް މޯލްޑިވްސް ޕޮލިސް ސަރވިސްއިން އިޙްމާލުވި މައްސަލަ ރައްޔިތުންގެ މަޖިލީހުން ބަލަންޖެހޭނެ މައްސަލައެއްކަން 24 ޖޫން 2019 ގައި ބޭއްވުނު 19 ވަނަ ރައްޔިތުންގެ މަޖިލީހުގެ ޖަލްސާގައި ފާސްކުރައްވާފައިވާތީ، އެ ،މައްސަލަ ދިރާސާކުރެއްވިއެވެ. މި މައްސަލައާ ގުޅޭ މަޢުލޫމާތު ސާފުކުރެއްވުމަށް މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙްޤީޤުކުރާ ކޮމިޝަން، ހިއުމަން ރައިޓްސް ކޮމިޝަން، ނޭޝަނަލް އިންޓެގްރިޓީ ކޮމިޝަން އަދި އަޙްމަދު ރިޟުވާން ޢަބްދުﷲގެ ޢާއިލާއަށް ސިޓީ ފޮނުވުމަށް ކޮމިޓީގެ އިއްތިފާޤުން ވަނީ ފާސްކުރައްވާފައެވެ. މީގެ އިތުރުން މި މައްސަލައާގުޅޭ ގޮތުން ު މޯލްޑިވްސް ޕޮލިސް ސަރވިސްގެ ކަމާ ގުޅޭ އިސް ބޭފުޅުންނާ ބައްދަލުކުރެއްވުމަށްވެސް ވަނީ ނިންމަވާފައެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA