މިއަދުގެ ބައްދަލުވުމުގައި، ޑރ އަފްރާޝީމް ޢަލީ ގެ މަރުގެ މައްސަލައާ ގުޅޭގޮތުން، މަރާލާފާވާ މީހުންނާއި، ގެއްލުވާލެވިފައިވާ މީހުންގެ މައްސަލަތައް ތަޙްޤީޤު ކުރާ ކޮމިޝަނުން ނެރުއްވާފައިވާ ރިޕޯޓު ދިރާސާކުރެއްވި ސަބް ކޮމިޓީން މައި ކޮމިޓީ އަށް ހުށަހހެޅުއްވި ރިޕޯޓާއި ގުޅޭ ގޮތުން މަޝްވަރާކުރެއްވިއެވެ. މި ގޮތުން މި ރިޕޯޓުގައި ހިމެނުއްވުމަށް ފެންނަ އިތުރު ކަންތައްތަކެއް ހުރުމާ ގުޅިގެން ސަބް ކޮމިޓީގެ ރިޕޯޓު އިތުރަށް މުރާޖާ ކޮށް ހުށަހެޅުމުން އެއީ މައި ކޮމިޓީގެ ރިޕޯޓުގެ ގޮތުގައި ނިންމުމަށް ގަލޮޅު އުތުރު ދާއިރާގެ މެންބަރު އީވާ ޢަބްދުﷲ ހުށަހެޅުއްވިއެވެ. މި ހުށަހެޅުއްވުމަށް ހުޅުދޫ ދާއިރާގެ މެންބަރު އިލްޔާސް ލަބީބު ތާޢީދުކުރައްވާ ކޮމިޓި އަށް ވަޑައިގެންތިއްބެވި 8 މެންބަރުންގެ އިއްތިފާޤުން ނިންމެވިއެވެ.