މިއަދުގެ ބައްދަލުވުމުގައި، ޑރ އަފްރާޝީމް ޢަލީ ގެ މަރުގެ މައްސަލައާ ގުޅޭގޮތުން، މަރާލާފާވާ މީހުންނާއި، ގެއްލުވާލެވިފައިވާ މީހުންގެ މައްސަލަތައް ތަޙްޤީޤު ކުރާ ކޮމިޝަނުން ނެރުއްވާފައިވާ ރިޕޯޓު ދިރާސާކުރެއްވި ސަބް ކޮމިޓީން މައި ކޮމިޓީ އަށް ހުށަހހެޅުއްވި ރިޕޯޓާއި ގުޅޭ ގޮތުން މަޝްވަރާކުރެއްވިއެވެ. ސަބް ކޮމިޓީގެ ރިޕޯޓާމެދު ބަޙުސްކުރެއްވުމަށްފަހު، 20 ނޮވެމްބަރ 2019 ގައި ބޭއްވި ސަލާމަތީ ޚިދުމަތްތަކާބެހޭ ކޮމިޓީގެ 30 ވަނަ ބައްދަލުވުމުގައި ކޮމިޓީއަށް ހުށަހެޅުނު އިތުރު ރިކޮމެންޑޭޝަންތަކާއެކު މިރިޕޯޓު ފާސްކުރެއްވީ ކޮމިޓީއަށް ހާޒިރުވެވަޑައިގެން ވޯޓުގައި ބައިވެރިވި މެންބަރުންގެ އިއްތިފާޤުންނެވެ.