މިއަދުގެ ބައްދަލުވުމުގައި ކޮމިޓީގެ ވޯކްޕްލޭން އެއް އެކުލަވާލުމަށް ބޭނުންވާ މަޢުލޫމާތާ ގުޅޭގޮތުން ކޮމިޓީގައި މަޝްވަރާކުރެއްވިއެވެ. އަދި މީގެ އިތުރުން މި ކޮމިޓީގެ ބައްދަލުވުން ކޮންމެ އަންގާރަ ދުވަހެއްގެ 11:00 ގައި ބޭއްވުމަށްވެސް ކޮމިޓީން ނިންމެވިއެވެ. މިގޮތަށް ނިންމެވުމަކުން އަވަސް މައްސަލައެ ކޮމިޓީއަށް ހުށަހެޅިއްޖެނަމަ، އަވަސް މައްސަލައެއްގެގޮތުގައި ކޮމިޓީގެ ބައްދަލުވުން ކުރިއަށް ގެންދިއުމަށް ހުރަސްނާޅާ ކަމަށްވެސް ކޮމިޓީގައި ފާހަގަ ކުރެއްވިއެވެ. އެހެނިހެން މައްސަލަކުގެ ތެރެއިން ކާށިދޫ ދާއިރާގެ މެންބަރު ހުށަހަޅުއްވައި، މަހިބަދޫ ދާއިރާގެ މެންބަރު ތާޢީދު ކުރެއްވީ ޓޫރިޒަމް މިނިސްޓަރު ކޮމިޓީއަށް ހާޒރުކުރުމަށްފަހު މިނިސްޓްރީން ހިނގަމުންދާ މަޝްރޫޢުތަކާ ގުޅޭގޮތުން މަޢުލޫމާތު ސާފުކުރެއްވުމަށެވެ. ކޮމިޓީގެ އަޣުލަބިއްޔަތުން މި ހުށަހެޅުން ވަނީ ފާސް ކުރައްވާފައެވެ.
© 2024 ރައްޔިތުންގެ މަޖިލިސްގެ އިދާރާA