މި ބައްދަލުވުމުގައި ފުރަތަމަ ކަމަކަށް، މިނިސްޓްރީ އޮފް ފޮރިން އެފެއާޒުގެ މަސައްކަތްތަކުގެ ދާއިރާއަށް ގެންނަވާފައިވާ ބަދަލުތައް ރައްޔިތުންގެ މަޖިލީހުން ފާސްކުރެއްވުމަށްޓަކައި ރައީސުލްޖުމްހޫރިއްޔާ ފޮނުއްވާފައިވާ މައްސަލަ ދިރާސާކުރެއްވުމަށްފަހު، ހުށަހަޅުއްވާފައިވާ ގޮތަށް ފާސްކުރައްވައި މަޖިލީހަށް ރިޕޯޓް ފޮނުވުމަށް ނިންމެވިއެވެ. އެއަށްފަހު ދެން ކުރިއަށް ގެންދެވީ، 7 ފެބްރުވަރީ 2012 ގެ ފަހުން ވެރިކަމާ ހަވާލުވެވަޑައިގެންނެވި ޑރ. މުޙައްމަދު ވަޙީދު ޙަސަންމަނިކު ވެރިކަމުގައި ހުރެވޭ މުއްދަތަށްވުރެ 6 ދުވަސް އިތުރަށް ވެރިކަމުގައި ހުންނެވުމުން، އެ މައްސަލަ ބައްލަވައި ދެއްވުމަށް އެދި އަމިއްލަ ފަރާތަކުން ފޮނުއްވާފައިވާ ސިޓީ އަދި 7 ފެބްރުވަރީ 2012 ގައި ހިނގާދިޔަ ހަމަނުޖެހުންތަކުގައި އިސްކޮށް ތިއްބެވި ފަރާތްތަކުގެ މައްސަލަ ބަލާ ފިޔަވަޅު އަޅައި ދިނުމަން އެދި އަމިއްލަ ފަރާތަކުން ފޮނުއްވާފައިވާ ސިޓީ ދިރާސާކުރުމުގެ މަސައްކަތެވެ.
ބައްދަލުވުމުގެ އެޖެންޑާ ބައްދަލުވުމުގެ ޔައުމިއްޔާ ބައްދަލުވުމުގެ ޚާޒިރީ© 2024 ރައްޔިތުންގެ މަޖިލިސްގެ އިދާރާA