މިއަދުގެ ބައްދަލުވުމުގައި މާލީ އަދި އެހެނިހެން މަޞްލަޙަތުތައް ހާމަކުރުމުގެ ބިލުގެ ސުންގަޑިއެއްގެ ގޮތުގައި 31 މޭ 2022 ވާ އަންގާރަ ދުވަސް ކަމުގައި ވިލުފުށި ދާއިރާގެ މެންބަރު ޙަސަން ޢަފީފު ހުށަހަޅުއްވައި، ފުވައްމުލަކު ދެކުނު ދާއިރާގެ މެންބަރު މުޙައްމަދު މުމްތާޒް ތާއީދުކުރެއްވި ހުށަހެޅުން ފާސްވެފައިވެއެވެ. އަދި އެ ބިލު ދިރާސާކުރުމަށް 6 މެންބަރުން (ފަރެސްމާތޮޑާ ދާއިރާގެ މެންބަރު ޙުސައިން މުޙައްމަދު ލަޠީފް، ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ، ފުވައްމުލަކު ދެކުނު ދާއިރާގެ މެންބަރު މުޙައްމަދު މުމްތާޒް، ތިމަރަފުށި ދާއިރާގެ މެންބަރު ޢަބްދުﷲ ރިޔާޟް، ފެލިދޫ ދާއިރާގެ މެންބަރު އިބްރާހީމް ފަޟުލް ރަޝީދު އަދި މަރަދޫ ދާއިރާގެ މެންބަރު އިބްރާހީމް ޝަރީފް) ހިމެނޭ ސަބް-ކޮމިޓީއެއް އެކުލަވާލުމަށް ވިލުފުށި ދާއިރާގެ މެންބަރު ޙަސަން ޢަފީފު ހުށަހަޅުއްވައި، ހަނިމާދޫ ދާއިރާގެ މެންބަރު ޢަބްދުލްޣަފޫރު މޫސާ ތާއިދުކުރެއްވި ހުށަހެޅުން ކޮމިޓީގައި ޚާޒިރުވެތިއްބެވި މެންބަރުންގެ އިއްތިފާޤުން ފާސްވެފައިވެއެވެ. މިނިސްޓްރީ އޮފް ފިނޭންސްގެ ދަށުން ކުރިއަށް ގެންދާ ޕަބްލިކް ފައިނޭންސް މެނޭޖްމަންޓް ސިސްޓަމް ސްޓްރެންތަނިންގ ޕްރޮޖެކްޓްގެ މެއިން ކޮމްޕޯޏަންޓެއް ކަމުގައިވާ ފައިނޭންޝަލް މެނޭޖްމަންޓް އެންޑް ޕަބްލިކް ސެކްޓަރ އެކައުންޓަބިލިޓީގެ ސަބް ކޮމްޕޯނަންޓް "ނޮލެޖް އެންޑް އެކްސްޕީރިއަންސް ޝެއާރިންގ" ދަށުން މި އަހަރުގެ އެޕްރީލް މަހުގެ 24 އިން 28 އަށް އިނގިރޭސިވިލާތައް ދިއުމަށް ހަމަޖެހިފައިވާ ދަތުރުގެ މަޢުލޫމާތު މެންބަރުންނާ ޙިއްޞާކުރުއްވިއެވެ. އަބޫދާބީ ފަންޑް ފޮރ ޑިވެލޮޕްމަންޓް (އޭޑީއެފްޑީ)ގެ ލޯނު އެހީގެ ދަށުން ދިވެހިރާއްޖޭގައި ހިންގުމަށް ހަމަޖެހިފައިވާ "ކޮންވާރޓިންގ ވޭސްޓް ޓު އެނާރޖީ ޕްރޮޖެކްޓް އިން އައްޑޫ ސިޓީ" މަޝްރޫޢުއަށް އޭޑީއެފްޑީއިން ދިނުމަށް ހަމަޖެހިފައިވާ 51،422،000 އެމިރޭޓްސް ދިރްހަމް (ގާތްގަނޑަކަށް 14 މިލިއަން އެމެރިކާ ޑޮލަރުގެ ލޯނުގެ މަޢުލޫމާތު މެންބަރުނާ ޙިއްޞާކުރުއްވިއެވެ. 27 އަދި 29 އޮކްޓޯބަރު 2021 ގައި ސޮއިކުރެވިފައިވާ ، ކޮވިޑް- 19 ރެޕިޑް ރެސްޕޮންސް ޓު މޯލްޑިވްސް ޕްރޮޖެކްޓަށް ފައިނޭންސް ކުރުމަށް ޔޫރަޕިއަން އިންވެސްޓްމަންޓް ބޭންކް (އީއައިބީ) އާއި ދިވެހި ސަރުކާރާއި ދެމެދު 15 ޖޫން 2020 ގައި 20,000,000 (ވިހި މިލިއަން) ޔޫރޯގެ ފައިނޭންސް ކޮންޓްރެކްޓްއާ ގުޅޭ މަޢުލޫމާތު މެންބަރުންނާ ޙިއްޞާކުރުއްވިއެވެ. "ދި ގްރޭޓަރ މާލޭ ވޭސްޓް މެނޭޖްމަންޓް އެންޑް އިންޕްރޫވްމަންޓް އެންޑް ވޭސްޓް ޓު އެނާރޖީ" ޕްރޮޖެކްޓަށް އިސްލާމިކް ޑިވެލޮޕްމަންޓް ބޭންކް (އައިޑީބީ) އިން ދިނުމަށް ހަމަޖެހިފައިވާ 13،850،799 އިސްލާމިކް ދީނާރު (ގާތްގަނޑަކަށް 20،000،000 ޔޫއެސް ޑޮލަރު) ގެ ލޯނުގެ މަޢުލޫމާތު މެންބަރުންނާ ޙިއްޞާކުރުއްވިއެވެ. ދައުލަތުގެ ކޭޝް ފްލޯ މެނޭޖްކުރުމުގެ ގޮތުން ސަރުކާރުން 2.5 ބިލިއަން ރުފިޔާގެ ދިގު މުއްދަތަށް، 23 ފެބުރުވަރީ 2020 ގައި މޯލްޑިވްސް މަނިޓަރީ އޮތޯރިޓީޢަށް ދޫކޮށްފައިވާ ބޮންޑްގެ މަޢުލޫމާތު މެންބަރުންނާ ޙިއްޞާކުރުއްވިއެވެ. ޤާނޫނު ނަންބަރު 7/2013 (ދައުލަތުގެ ޚަރަދަށް ޒިންމާވުމުގެ ޤާނޫނު)ގެ 29 ވަނަ މާއްދާގައި ވާގޮތުގެމަތިން، 2022 ވަނަ އަހަރަށް ލަފާކުރި ދައުލަތުގެ ބަޖެޓުގެ ކޭޝްފްލޯ ޕްލޭން މެންބަރުންނާ ޙިއްޞާކުރުއްވިއެވެ. ޤާނޫނު ނަންބަރު 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީގޮތުން ހިންގުމުގެ ޤާނޫނު) އަށް ގެނެވުނު އިޞްލާހްތަކާއެކު އެކު ރަށްރަށުގެ ކައުންސިލްތަކުގެ ރައީސުންނާއި ނާއިބް ރައީސް އަދި ކައުންސިލް މެންބަރުންގެ މުސާރައާއި ޢިނާޔަތްތައް ކަނޑައަޅުއްވާފައިވަނީ އެ ފަރާތްތަކުން ކުރަންޖެހޭ މަސައްކަތްތަކަށާއި ރަށުގެ އާބާދީއަށް ރިޢާޔަތްނުކުރެވި ކަމަށް ބަޔާންކޮށް ގދ.ތިނަދޫ ކައުންސިލުން ކައުންސިލްގެ މުސާރައާއި ޢިނާޔަތްތައް މުރާޖަޢާކުރުމަށް ހުށަހަޅުއްވާފައިވާ މައްސަލައާމެދު މަޝްވަރާކުރެއްވިއެވެ. އަދި މިހާރު މުސާރަ ކަނޑައެޅިފައިވަނީ މިނިސްޓްރީ އޮފް ފިނޭންސްއާއި ނޭޝަނަލް ޕޭ ކޮމިޝަނުގެ ލަފާގެ ދަށުން ކަމަށާއި، ދައުލަތުގެ މުސާރަ މުރާޖާކުރާއިރު މުސާރައިގެ އޮނިގަނޑުގައިވާ މައްސަލަތަކަށް ރިޢާޔަތްކުރާނެކަމަށް އެފަރާތަށް ދެންނެވުމަށް ނިންމެވިއެވެ. 2022 ވަނަ އަހަރަށް ދައުލަތުން ކައުންސިލްތަކަށް ފާސްކޮށްދެއްވި ހިލޭ އެހީގެ ފައިސާގެ ތެރެއިން، ކައުންސިލްތަކުން އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކަށް ދިނުމަށް ކަނޑައަޅާ 5% ފައިސާއިން 2022 ވަނަ އަހަރު ކޮމިޓީގެ މެންބަރުންނަށް ދިނުމަށް ނިންމާފައިވާ އެލަވަންސް ހަމަނުޖެއްސޭ ކޮމިޓީތަކުގެ ކަންބޮޑުވުން ފާހަގަކުރައްވާ ލޯކަލް ގަވަރމަންޓް އޮތޯރިޓީން މިނިސްޓްރީ އޮފް ފިނޭންސްއަށް ފޮނުވާފައިވާ ސިޓީ މެންބަރުންނާ ޙިއްޞާކުރުއްވިއެވެ. އޮޑިޓަރ ޖެނެރަލްގެ އޮފީހުގެ 2021 ވަނަ އަހަރުގެ ތިންވަނަ ކުއަރޓަރގައި ކުރެވުނު މަސައްކަތްތަކާޢި އޮފީސް ހިނގަމުންދާ ގޮތުގެ ރިޕޯޓް މެންބަރުންނާ ޙިއްޞާކުރުއްވިއެވެ. ކޮވިޑް-19 ފްރޮންޓްލައިންގައި މަސައްކަތްކުރާ ފަރާތްތަކާއި އެފަރާތްތަކަށް އެހީތެރިވާ ފަރާތްތަކަށް ފްރޮންޓްލައިން އެލަވަންސް މިހާރު ދެމުންދާގޮތަށް ދިނުން ހުއްޓާލައި، ދެން އެ އެލަވަންސް ދޭނެ ގޮތަކާމެދު މިނިސްޓްރީ އޮފް ފިނޭންސްއާއި މިނިސްޓްރީ އޮފް ހެލްތާއި ކަމާގުޅެ ފަރާތްތަކާއެކު މަޝްވަރާކުރައްވައި، 31 އޮގަސްޓް 2021 ވަނަ ދުވަހު ބޭއްވެވި ވަޒީރުންގެ މަޖިލީހުގެ ޖަލްސާގައި ނިންމެވިގޮތް މެންބަރުންނާ ޙިއްޞާކުރުއްވިއެވެ. ޤާނޫނު ނަންބަރު 4/2007 (އޮޑިޓް ޤާނޫނު)ގެ 6 ވަނަ މާއްދާގެ 6-7ގެ (ށ)ގެ ދަށުން އޮޑިޓަރ ޖެނެރަލް ޙުސައިން ނިޔާޒީ މަޤާމާއި ޙަވާލުވިއިރު ލިބިފައިވާ އާމްދަނީއާއި، ހުރިމުދަލާއި، އަދާކުރަންޖެހޭ ދަރަނީގެ ޒިންމާ އިނގޭ މާލީ ހިސާބު ޙިއްޞާކުރެއްވިއެވެ.