ހއ.ދިއްދޫ ކައުންސިލުން، ކައުންސިލުގެ ރައީސް ކައުންސިލް ބައްދަލުވުންތަކުގައި ވޯޓު ދެއްވަމުން ގެންދަވާތީ އެކަމާ ގުޅިގެން ފޮނުއްވާފައިވާ މައްސަލަ ދިރާސާކުރުން ކުރިއަށް ގެންދެވިއެވެ.ި މައްސަލަ ދިރާސާކުރުމުގެ ގޮތުން އެ މައްސަލައާ ގުޅިގެން ލޯކަލް ގަވަރމަންޓް އޮތޯރިޓީން ކޮމިޓީއަށް ފޮނުވާފައިވާ ލިޔެކިޔުންތައް ދިރާސާކޮސް އިތުރަށް މި މައްސަލައާ ގުޅިގެން އެ އޮތޯރިޓީއާ ބައްދަލު ކުރަންޖެހޭކަމަށްފެނި އެ އޮތޯރިޓީއާ ބައްދަލުކުރުމަސް މާފަންނު ހުޅަނގު ދާއިރާގެ މެންބަރު މުޙައްމަދު ފަލާޙް ހުށަހެޅުއްވިއެވެ. އަދި އެ ހުށަހެޅުމަށް ކޮމަންޑޫ ދާއިރާގެ މެންބަރު މުޙައްމަރު ރާޝިދު ތާޢީދު ކުރެއްވިއެވެ. މި ހުށަހެޅުމަށް ވޯޓަށް އެއްސެވުމުން ކޮމިޓީގެ އިއްތިފާޤުން މި ހުށަހެޅުން ފާސްވިއެވެ.