މިއަދުގެ ބައްދަލުވުމުގައި އޮޑިޓަރ ޖެނެރަލް ނެރުއްވާފައިވާ ނަންބަރު REV-2021-6 (7000 ސޯޝަލް ހައުސިންގ ޔުނިޓު މަޝްރޫޢުގެ ދަށުން ހައުސިންގ ޔުނިޓަކަށްޖެހޭ ޖުމްލަ އަގާއި މަހުން މަހަށް ދައްކަންޖެހޭ ޢަދަދު ހިސާބުކޮށް ކަނޑައަޅާފައިވާ ގޮތުގެ ރިޕޯޓް) އާ ގުޅޭގޮތުން އޮޑިޓަރ ޖެނެރަލްއާ ބައްދަލުކުރައްވައި މަޢުލޫމާތު ސާފުކުރެއްވިއެވެ. އެގޮތުން، އޮޑިޓަރ ޖެނެރަލްގެ އޮފީހުގެ ފަރާތުން މި ރިޕޯޓާ ގުޅޭގޮތުން ޕްރެޒެންޓޭޝަން ހުށަހަޅުއްވިއެވެ. އަދި މެންބަރުން ކުރެއްވި ސުވާލުތަކަށް އެބޭފުޅުން ޖަވާބު އެރުވިއެވެ. މިބައްދަލުވުމުގައި އޮޑިޓަރ ޖެނެރަލްގެ އޮފީހުގެ ފަރާތުން ބައިވެރިވެވަޑައިގެންނެވި ބޭފުޅުންގެ ނަންތައް ތިރީގައި އެވަނީއެވެ. . އަލްފާޟިލް ޙުސައިން ނިޔާޒީ (އޮޑިޓަރ ޖެނެރަލް) . އަލްފާޟިލް އިބްރާހިމް އައިމަން (އެސިސްޓެންޓް އޮޑިޓަރ ޖެނެރަލް) . އަލްފާޟިލާ ޝިރުމީނާ ހުސައިން (އެސިސްޓެންޓް އޮޑިޓަރ ޖެނެރަލް) . އަލްފާޟިލް އިބްރާހިމް ފަޒީލް (ޑިރެކްޓަރ، ފައިނޭންޝަލް އެންޑް ކޮމްޕްލައިންސް އޮޑިޓް ސަރވިސަސް) . އަލްފާޟިލާ ފާތިމަތު ފިރުޝާނާ ރަޝީދު (މެނޭޖަރ، ފައިނޭންޝަލް އެންޑް ކޮމްޕްލައިންސް އޮޑިޓް ސަރވިސަސް)